Universala Kongreso

Sabato, Decembro 19, 2020 - 18:38


Por la 108-a Universala Kongreso (UK), post tri jaroj, la Estraro de UEA unuanime elektis Italion kiel kongreslandon. La kvaran fojon UK okazos en Italio. La gastiga urbo, Torino, estis la unua ĉefurbo de Italio (1861-1865). Urbo en kiu kunfandiĝas la itala kaj la franca etoso, kie aktivis gravaj intelektuloj kiel Norberto Bobbio, Italo Calvino, Clelia Conterno Guglielminetti, Natalia Ginzburg, Primo Levi, Cesare Pavese kaj Elio Vittorini, kaj en kies universitato longtempe profesiis Giorgio Canuto, iama prezidanto de UEA.

Post la dua mondmilito Torino estis celo de multnombraj suditalaj enmigrintoj, allogitaj de la grandaj fabrikoj, kio donis al la urbo ŝancon malfermiĝi, akcepti kaj helpi al bezonantaj eksteruloj. Tiurilate, aparte grava estis la aŭtomobila fabriko FIAT, kie deĵoris Ursula kaj Giuseppe Grattapaglia, dank’ al kiuj la fabriko eldonis kelkajn broŝurojn kaj mallongajn filmetojn en Esperanto, por diskonigi la urbon kaj la novajn aŭtojn.

Ĵaŭdo, Augusto 20, 2020 - 16:36


Aperis la Unua Bulteno de la 106-a Universala Kongreso de Esperanto, Belfasto, 17–24 julio 2021.

Sabato, Marto 21, 2020 - 03:21


Jen la vica numero de La Riverego, la revuo de Esperanto-Societo Kebekia, kun ĉiuj informoj pri la preparata UK kaj ankaŭ kun la UEA-komuniko pri koronviruso (pro la situacio, UEA longigis la duan aliĝperiodon ĝis la fino de aprilo). Notu ke ni kreis la paĝon kun ligiloj al gravaj informoj kaj UEA-komunikoj. El inter la ne-UK-rilataj artikoloj, aparte notu la artikolojn pri Zamenhof kaj ankaŭ ampleksan artikolon pri gigantoj de Esperanto-Movado en Kanado. En la tempo de malfacilo, inspiriĝu de tiuj bravaj individuoj, kiuj ankaŭ laboregis por Esperanto, kaj en eĉ pli malfacilaj tempoj ol ni travivas nun...

Dimanĉo, Februaro 2, 2020 - 15:50

Aperis la Dua Bulteno de la 105-a Universala Kongreso en Montrealo, Kanado, kiu okazos 1 — 8 de aŭgusto 2020. Vi povas vidi ĝian retan version aŭ elŝuti PDF-version en la retejo de UEA:
https://uea.org/kongresoj

Ĵaŭdo, Januaro 30, 2020 - 19:43

Orlando E. Raola
Organizanto de EK 2020

La organizantoj alvokas ĉiujn fa­kulojn, sciencistojn kaj aliajn kon­gre­sanojn al partopreno en la Espe­ran­tologia Konferenco 2020, okazonta en Montrealo, Kebekio, Kanado, kadre de la 105-a Universala Kongreso de Esperanto, sub la aŭspicio de Uni­ver­sala Esperanto-Asocio (UEA) kaj la Centro de Esploro kaj Doku­men­tado pri Mondaj Lingvaj Prob­lemoj (CED). La ĉi-jara aranĝo pritraktos la temon: "Dulingvismo, plurlingvismo kaj la so­ciaj bezonoj je efika komunikado".

Lundo, Januaro 6, 2020 - 17:55

Ionel Oneț

Kun vendoj sumantaj 10 585,55 EUR, la ĉi-jara kongresa libroservo estis la plej modesta de la jardeko. Ĉi-sube estas
listigitaj la 20 plej furoraj titoloj. La prezoj indikitaj ĉi-tie estas tiuj aplikitaj dum la kongreso (sen imposto!).

Ĵaŭdo, Decembro 26, 2019 - 17:53

Orlando E. Raola,
Estrarano de UEA


En aŭgusto 2020, esperantistoj el ĉiuj anguloj de la terglobo kunfluos al Montrealo, en la provinco Kebekio, Ka­­nado, por okazigi la 105-an Uni­ver­salan Kongreson de Esperanto. La Lo­ka Kongresa Komitato profunde kaj sin­dediĉe laboras jam de antaŭ pli ol jaro por sukcesigi la eventon, neniam antaŭe okazintan en orienta Kanado kaj nur la duan fojon en orienta Norda Ameriko. Ĉiam indas rememori, ke last­afoje, kiam la kongreso venis al tiu mondoparto, L. L. Zamenhof mem par­toprenis. Multe ŝanĝiĝis la mondo ek­de la kongreso en Vaŝingtono, Uso­no, en 1910, sed ne tiom ŝanĝiĝis la emo de esperantistoj labori cele al pli bona vivo, al daŭra kaj signifoplena mon­da paco, bazita sur reciproka in­terkompreno internacilingva.

Ĵaŭdo, Decembro 5, 2019 - 21:33

La Vojo, poemo de L. L. Zamenhof. Kantas Amira Chun dum la Internacia Arta Vespero de la 104-a Universala Kongreso en Lahtio, Finnlando.

Merkredo, Novembro 20, 2019 - 19:18


© Tourisme Montréal, Stéphan Poulin
Multaj personoj aliĝis al la UK-2020 en Montrealo, Kanado (de la 1-a ĝis la 8-a de aŭgusto 2020) jam dum la antaŭa UK en Lahtio, kaj nun la aliĝilo disponeblas por la plej malmultekosta aliĝperiodo. La prezo por aliĝo en tiu ĉi unua aliĝperiodo por individuaj membroj de UEA estas 190 eŭroj por A-landanoj kaj 145 eŭroj por B-landanoj. La prezo altiĝos ĝis 240 / 180 eŭroj en la dua aliĝperiodo kaj ĝis 290 / 215 eŭroj en la tria aliĝperiodo. Notindas ke la unuan fojon UEA ankaŭ proponas la eblecon kompensi la poluadon, okazantan i.a. pro transportado de kongresanoj al UK.

Merkredo, Novembro 13, 2019 - 18:46


Tiu ĉi estas speciala eldono de La Riverego, la eldonaĵo de Esperanto-Societo Kebekia en kunlaboro kun La Lumo, la eldonaĵo de Kanada Esperanto-Asocio, por informi kanadan kaj internacian publikon pri la 105-a UK-2020 en Montrealo. Kun diversaj eroj de tiuj specialaj eldonoj formiĝos la sekvaj numeroj de La Riverego kaj La Lumo en 2019-2020.

Elŝutu kaj ĝuu senpage:
https://esperanto2020.ca/wp-content/uploads/2019/11/RiveregERo-1.pdf

Paĝoj