UEA

Dimanĉo, Marto 17, 2019 - 22:39

Redakcio de Esperanto faris kelkajn demandojn al la nova estrarano de UEA Fernando Jorge Pedrosa Maia Jr.

Revuo Esperanto: Kiam kaj kiel vi es­perantistiĝis?

F.M.: Kiam mi havis inter 13 kaj 15 jaroj, mi plene dediĉis min al studado de la portugala lerneje kaj eĉ ekverkis poezie kaj proze, kio entuziasmigis min kaj proksimigis al la portugallingva kul­turo, inkluzive de la rilatoj inter la portugala de Brazilo kaj la indiĝenaj lingvoj de mia lando kaj la portugala de aliaj landoj. Tio estis dum la 90-aj jaroj, kiam Brazilo suferis laŭ mia kompreno la definitivan fazon de sia usonigo.

Lundo, Marto 4, 2019 - 11:50

La Elekta Komisiono

En julio 2019 okazos elektoj por la nova Estraro de UEA por la periodo 2019-2022.

Tial ke la prezidanta posteno estas kerna en la funkciado de organizo kaj la elekto de prezidanto povas forte influi la engaĝiĝemon de aliaj aktivuloj al la Estraro, la Elekta Komisiono decidis lanĉi pli fruan alvokon por la posteno de prezidanto.

Tial la Elekta Komisiono alvokas ĉiujn membrojn de UEA helpi trovi taŭgajn kandidatojn por iĝi prezidanto de UEA.

La Prezidanto reprezentas la Asocion en juraj kaj nejuraj aferoj, subskribas la ĉefajn dokumentojn kaj prezidas la Estraron kaj la Universalajn Kongresojn.

La elekto okazos dum la 104-a Universala Kongreso en Lahtio.

Ĵaŭdo, Februaro 28, 2019 - 18:13

La stabo de la Centra Oficejo de UEA invitas vin por la 50-a fojo al la Malferma Tago (Jubilea), kiu okazos sabate, la 20-an de aprilo 2019, de la 10-a ĝis la 17-a horo en Roterdamo ĉe Nieuwe Binnenweg 176.

Kiel kutime, en la programo estos ankaŭ prezentado de libroservaj novaĵoj; krome, senpage kafo kaj teo. Aldone al specialaj ofertoj, la vizitantoj povos profiti de ĝenerala sesona rabato en la Libroservo.

Vendredo, Februaro 1, 2019 - 18:30

Revuo Esperanto: Vi esperantistiĝis en 1999. Kio instigis vin lerni la lingvon kaj ekaktivi en la movado?

A.K.: Tiam mi estis interŝanĝa stu­den­to en Berlino, malkovris la ling­von en lingvofoiro Expolingua. Mi ek­ler­nis la lingvon ĝenerale pro ling­vo-amo, spe­cife ĉar la budo en la foiro sukcesis kon­vinki min. Mi restis en la komunu­mo pro intereso al la asocia kaj komu­nu­ma vivo: la junularaj kaj nejunularaj kon­gresoj. Mi ekaktivis en la movado ĉar tuj sentis, ke la belan aferon indas dividi kun la mondo. Mi ne aktivis en iu ajn asocio. Aktivi en Esperantio estis maniero por kaj praktiki Esperanton, ĝui ĝin, kaj (a)socie aktivi por kontribui al ĝia dis­vastigo.

Mardo, Januaro 29, 2019 - 19:34

Rezulte de diplomatiaj elpaŝoj en Novjorko kaj Ĝenevo, UEA elektiĝis por trijara periodo en la estraron de internacia kunordiga grupo de nere­gistaraj organizoj ĉe Unuiĝintaj Nacioj, konata per la mallongigo CoNGO (pron. “kongo”).
Pli formale “La Konferenco de NRO-j en Konsultaj Rilatoj kun UN”, CoNGO funkcias kiel tegmenta aso­cio por pli ol 500 organizoj, kiuj tenas konsultajn rilatojn kun ECOSOC, la Ekonomia kaj Socia Konsilio de Unu­iĝintaj Nacioj. La celo de CoNGO estas faciligi la partoprenon de NRO-j en la UN-sistemo kaj kunlabori kun UN por komunaj celoj, ekzemple la Celoj por Daŭripova Evoluigo.

Ĵaŭdo, Januaro 24, 2019 - 13:18


En la retejo https://revuoesperanto.org estas senpage elŝutebla la decembra numero de la Revuo Esperanto, la plej renoma periodaĵo en Esperantujo, aperanta jam la 112-an jaron. La numero estas la 11-a en la jarkolekto 2018.

Lundo, Decembro 31, 2018 - 12:49

Mark Fettes
Unu el miaj antaŭuloj kiel Pre­zidanto de UEA kutimis priskribi sin kiel “la prezidanto de ĉiuj es­perantistoj.” La vortoj ŝajnas unuavide pretendemaj. Eĉ se oni enkalkulas ĉi­ujn aligitajn membrojn de UEA (la membrojn de la aliĝintaj landaj aso­cioj), sendube ili konsistigas nur iun onon de la monda esperantistaro: du­onon, kvaronon, okonon, kiu scias?

Lundo, Decembro 10, 2018 - 15:17

La numero 2018-4 de Unesko-Kuriero. La numera temo estas Homaj Rajtoj.
Ĝi estas libere elŝutebla: https://uea.org/revuoj

Okaze de la Tago de Homaj Rajtoj, la 10-a de decembro 2018, kaj festado de la 70-a datreveno de la Universala Deklaracio de Homaj Rajtoj, akceptita je tiu dato en la jaro 1948, Universala Esperanto-Asocio samtempe gratulas al Unuiĝintaj Nacioj pro ties konstanta, persista kaj longdaŭra defendo de la homaj rajtoj tra la mondo, kaj atentigas ke, pli ol iam ajn antaŭe, la popoloj de la mondo bezonas la Deklaracion kaj la principojn kiujn ĝi entenas.

Sabato, Decembro 1, 2018 - 14:06

Mark Fettes
La Komitato de UEA kunsidis dum preskaŭ 10 horoj en Lisbono, kun aldo­no de kvar Komitataj Forumoj en kiuj povis partopreni kongresanoj. Cen­tre en la atento staris la financoj kaj la membrosistemo. Krome okazis elek­toj – de plia komitatano C, la juna bel­go Rakoen Maertens, kaj de nova est­rarano pri kulturo kaj kongresoj, la brazilano Fernando Maia. Temis pri tre aktiva komitata kunveno, kun pli ol 20 voĉdonoj kaj preskaŭ 20-paĝa pro­tokolo. Ĉi tie ni fokusiĝas nur al la plej signifaj decidoj.

Ĵaŭdo, Novembro 29, 2018 - 12:50

UEA estis reprezentita dum la 10-a Internacia forumo de NRO-j (26-27 novembro 2018), kiuj partneras kun Unesko. La temo estis: “Scienco por bono de homaro”. De UEA ĉeestis François Lo Jacomo, Rakoen Maertens kaj redaktoroj de la revuo "Esperanto" Anna Striganova, Dima Ŝevĉenko.


Artikolon pri la evento legu en unu el la venontaj numeroj de la revuo Esperanto.

Paĝoj