Rete

Ĵaŭdo, Junio 11, 2020 - 18:08


Kiuj apoj estas plej ofte uzataj por lerni Esperanton laŭ vi? Katalin Kovats verkas artikolon por la nova "Manlibro pri Instruado" kaj via helpo estas petata. Respondu, plenigante tiun formularon: https://forms.gle/6gNQZmrUoLxaeQNTA.

Respondintoj ĝentile ricevos la artikolon antaŭ ol ĝi aperos oficiale.

La reeldono de la Manlibro - https://katalogo.uea.org/katalogo.php?inf=7430 - estas tre atendata afero kaj vi povos riĉigi ĝin per via amika partopreno.

Arto:Freepik.com.

Lundo, Majo 25, 2020 - 17:21

Komputeko (mallongigo de prikomputila terminokolekto) estas interreta projekto, kiu celas listigi komputilajn vortojn en kiel eble plej multaj lingvoj, por stimuli la uzadon de ĝuste tradukitaj terminoj. Vi trovos ĉi tie tradukojn de prikomputilaj terminoj en pluraj lingvoj.

Komputeko estas oficiala projekto de la internacia Esperanto-organizaĵo E@I. La datumbazo de Komputeko estas disponebla laŭ la permesilo CC BY-SA 4.0.

https://komputeko.net

Dimanĉo, Aprilo 19, 2020 - 20:30

Prezentita kadre de AMO-Seminario (AMO 63V Irano)

Prezentanto: Hamzeh Shafiee

Elŝuti PDF-on

Sabato, Aprilo 18, 2020 - 17:37


Mapo de AMO 2014-2020
De 16 ĝis 18 de aprilo okazis pere de la komunikilo Zomo (Zoom) la irana kongreso, kun multaj dekoj da partoprenintoj, ne nur el Irano sed el multaj anguloj de la mondo. Certe partoprenis pli da homoj ol pli frue povis fizike partopreni. Legu la programon kaj pliajn informojn ĉe: www.espero.ir/eo

Sabato, Aprilo 11, 2020 - 17:29

Fernando Maia

Sendube unu el la plej gravaj labo­roj por la teno de la memoro de Esperanto estas tiu farata en la Nacia Biblioteko de Aŭstrio (germane Österreichische Na­tio­nalbibliothek, el kio venas ĝia mal­lon­gigo ÖNB). ÖNB estas la plej gran­­da biblioteko en Aŭstrio, kun pli ol 12 milionoj da eroj en siaj diversaj ko­lektoj, situanta en la centro de Vieno, kies komplekso inkluzivas kvar muzeojn kaj ankaŭ diversajn specialajn kolek­tojn. Ekde 2005 kelkajn el la kolektoj oni translokas en la konstruaĵon Bar­roque Palais Mollard-Clary, inter ili la Esperanto-Muzeon kaj Kolekton por Planlingvoj, fonditan en 1927 de Hofrat Hugo Steiner kaj ekde 1928 li­gitan al ÖNB.

Merkredo, Aprilo 8, 2020 - 19:09
Vendredo, Aprilo 3, 2020 - 14:44
Vendredo, Aprilo 3, 2020 - 02:54

Estis eldonita la nova numero, 429 (januaro-marto 2020), de la bulteno de Hispana Esperanto-Federacio, "Boletín".
Elŝutu senpage

Lundo, Marto 30, 2020 - 11:36

Le Monde de l'Espéranto (LME) n-ro 605 legeblas en la reto: https://esperanto-france.org/IMG/pdf/lme605.pdf. LME estas dulingva magazino en la senco, ke iuj artikoloj (kiuj celas la eksteran legantaron) estas en la franca kaj aliaj (kiuj pli celas esperantistojn) estas en Esperanto.
Ĉeftemo de tiu numero estas la rilatoj kun Unesko, aparte pri la kunvenoj, kiuj okazis pasintjare kaj la subskribo-ceremonio pri Unesko-kuriero. Aparte traktata (franclingve) estas la lingvo-akcelila metodo.
Kaj estas la kutimaj rubrikoj: prelegvojaĝoj, kulturaj novaĵoj (kun aparta atentigo al diversaj konkursoj), vojaĝnotoj (pri 22.503 kilometrojn per biciklo...).
UEA gratulas al Esperanto France kaj la redaktoro Claude Nourmont, komitatano A de UEA por Francio. Bonan legadon!

Dimanĉo, Marto 29, 2020 - 14:44


EventaServo.org (ES), senpaga servo de UEA kaj TEJO por la tuta Esperanto-komunumo, havas novan ilon: eblas marki vian eventon kiel nuligitan sen tamen forviŝi ĝin de la servo. Tio eblas per la nova butono Nuligi disponebla por administrantoj de la evento. La evento plu aperos markita per ruĝa linio. Ĉe retoj, kiuj uzas la kalendaron de ES, la evento ankaŭ estas markita per ruĝa fono, kiel en uea.facila.orgforumo.uea.org. Vidu bildojn.

Tio aparte utilas, ĉar per tiu opcio eblas konservi la memoron de la evento kaj informi interesatojn kial la evento estis nuligita kaj, se estas la kazo, kiam oni planas reokazigi ĝin. Vidu ekzemplon de Mez-Anglia Semajnfino Esperantista (MASE).

Tamen respondeculoj pri la evento daŭre povas simple forviŝi ĝin, kio eblas en la redakto-paĝo.

Ne forgesu, ke eblas registri vian retan eventon samkiel vian retan organizon!

UEA kora dankas la sindediĉon de siaj bravaj komisiitoj pri Eventa Servo, Fernando Ŝajani, Yves Nevelsteen kaj ĉiuj helpantoj de la retejo, kiuj rapide reagas al la bezonoj de nia monda E-komunumo.

Registru vin kaj vian organizon en ES: eventaservo.org/r kaj eventaservo.org/o. Kaj subtenu la servon per membriĝo en UEA kaj TEJO: https://UEA.org/alighoj/alighilo.

Paĝoj