Per Eventa Servo oni povas vidi eventojn ĉirkaŭ la tuta mondo laŭ mapo, listo, kartaro kaj kalendaro.
Ankaŭ eblas filtri la eventojn laŭ kontinentoj, landoj kaj urboj.
• Gražina Opulskienė
Multaj esperantistoj certe aŭdis pri BET (Baltiaj Esperanto-Tagoj) kaj homoj kiuj interesiĝas pri aranĝoj kaj strebas praktike uzi la lingvon eble jam partoprenis en iu de multaj jam okazintaj sukcesaj BET. Tradicia aranĝo, kiu ekde 1959 okazas laŭvice en Litovio, Latvio kaj Estonio estas bonega okazo por revidi amikojn, trovi novajn, paroli Esperanton, sekvi interesajn prelegojn aŭ lerni la lingvon en kursoj. La programo de Baltiaj Esperanto-Tagoj estos varia kaj abunda. Somera Universitato prezentos interesajn prelegojn, funkcios diversnivelaj kursoj, libroservo, ĉiuvespere okazos artaj aranĝoj, koncertoj, estos organizitaj kvizoj, ekskursoj, diskutoj, tagojn finos jam kutima dum litovaj BET amika kunkantado en bona etoso. Se ankaŭ vi havas ideojn kiel eblas kontribui al la programo, ne hezitu kontakti la organizantojn: litova.ea@mail.lt.
La partoprenantoj de la 57-a Kongreso de Internacia Ligo de Esperantistaj Instruistoj (ILEI), okazinta hibride – ĉeeste en Maceió, Brazilo, kun 27 partoprenatoj, kaj virtuale kun 57 partoprenantoj el 27 landoj tra la mondo – de la 20-a ĝis la 27-a de julio 2024, kun la ĉeftemo "Esperanto por justa edukado",
KONSCIANTE pri la fundamenta rolo de edukado en konstruado de pli justa kaj pli paca estonteco, kaj rekonante la gravecon de promocio de interkulturaj komunikado kaj interkompreno inter popoloj, KONSIDERANTE, ke:
- Esperanto, kiel neŭtrala kaj facile lernebla lingvo, prezentas valoran ilon por superi lingvajn barojn kaj antaŭenigi internacian kunlaboron;
- Instruado de Esperanto povas riĉigi la edukajn spertojn de studentoj, evoluigante iliajn lingvajn, interkulturajn kaj kognajn kapablojn;
- La alpreno de Esperanto kiel komuna interlingvo en internaciaj kuntekstoj povas helpi redukti kostojn kaj plibonigi la efikecon de komunikado; KONSTATAS kun granda kontento la sukceson de la nuna ILEI-Kongreso, kiu ebligis la partoprenon kaj interagon de 84 personoj el 27 diversaj landoj; ESPRIMAS sian profundan dankon al:
- CESMAC (Centro pri Superaj Studoj de Masejo) kaj ĝia vicrektoro, d-ro Douglas Apratto Tenório, pro la malavara kaj varma gastigado de la kongreso;
- Prof. Laura Brazzabeni kaj la Loka Kongresa Komitato, precipe s-ro Aristophio Andrade Alves Filho, pro la sindediĉa laboro en la organizado de tiu ĉi unika evento;
- La urbo Maceió pro la gastama bonvenigo kaj subteno; SUBTENAS la gravecon de la ĉeftemo "Esperanto por justa edukado" kaj REKONAS la valorajn kontribuojn kaj diskutojn okazintajn dum la kongreso pri tiu ĉi temo;
• Zhang Changsheng (Longarko)
Vespere de la 24-a de majo 2024, paralele inaŭguriĝis la konsilia kunveno de Jiangsu-a E-Asocio (JSEA) kaj Seminario pri Esperanto kaj Grandkanala Kulturo ĉe la Universitato de Yangzhou, sude en Ĉinio. S-ro Tang Zhengang, prezidanto de JSEA, donis bonvenigan bankedon honore al anoj de la seminarioj kaj la konsilia kunveno. Post la bankedo la konsilia kunveno daŭris. S-ro Longarko, vicprezidanto de JSEA, gvidis la kunvenon, en kiu krom diskutado pri E-laboroj en Jiangsu-Provinco, ankaŭ la tagordo de la seminario estis diskutita entuziasme kaj diligente de membroj de JSEA. S-ro Jin Lijiu, ĝenerala sekretario de JSEA fine faris konkludon kaj bone aranĝis la tagordon de la seminario. La Granda kanalo estas fakte la plej longa artefarita kanalo el la mondo, kiu estas en la listo de mondaj kulturaj heredaĵoj de Unesko, kaj kiu ĉi tie renkontiĝas kun la rivero Jangzio. De Pekino al Hangzhou en provinco Zhejiang ĝi iras ĉirkaŭ 2800 kilometrojn kaj ekde la dinastio Sui (581-616) ĝi estis dum jarcentoj la ĉefa vojo por varaj transportoj inter la nordo kaj la sudo de la lando, estigante riĉan kulturon kun buntaj popolaj kreaĵoj. Malgraŭ la nuntempa ekzisto de pli rapidaj transport-manieroj, duone de ĝi estas ankoraŭ navigebla, kaj ankaŭ Prezidanto Xi Jinping substrekis ĝian daŭran gravecon por la ekologiema kaj daŭripova progreso de Ĉinio.
Inter la 9-a kaj 17-a de julio 2022 en Klaipėda, Litovio, okazis la 56-aj Baltiaj Esperanto-Tagoj (BET). La redakcio de Esperanto turnis sin al Saŝa Pilipoviĉ, Mikaelo Bronŝtejn kaj Ulrich Brandenburg por ekscii pri iliaj impresoj pri la aranĝo, kie ĉi-foje esperantistoj povis kunveni ĉeeste.
• Mikaelo Bronŝtejn
Bedaŭrinde, spite sincerajn kaj daŭrajn klopodojn de la organizantoj, neniu el la rusiaj aliĝintoj ricevis enirvizon por partopreni en la ĉi-jara BET en Klaipėda. Ankaŭ mi.
Tamen la organizantoj prizorgis perfektajn teknikajn kondiĉojn tiel, ke almenaŭ parto de tio, kion mi devus fari enkadre de la programo, estis efektivigita per Zoom. Do, mi sincere dankas Povilas Jegorovas kaj Gražina Opulskiené, kiuj prizorgis mian konekton kun la partoprenantoj de BET. Ilia laboro sukcesigis la prezentadon de mia nova romano Simeono, preparita de la eldonejo Impeto, kaj mian recitalan partoprenon en la koncerto, kie Sergeo Straŝnenko prezentis miajn kantojn.
• Liba Gabalda
Ĉi-foje ĝi okazis en la itala urbo Breŝo (Brescia) situanta en la norda parto de Italio, regiono de Lombardio, inter Milano kaj Verono. Apud la kastelo kiu dominas la urbon staras vapor-lokomotivo. La kongresejo troviĝis en la hotelo Ambasciatori. En la enirhalo instaliĝis akceptejo kaj libroservo.
Al la evento aliĝis pli ol 200 geesperantistoj, sed ne ĉiuj povis veni. Teresa Pomorska el Pollando venigis grupon de 27 adeptoj por Esperanto, kiuj entuziasme frekventis la Esperanto-kursojn, kiuj okazis en la apuda hotelo Master. La kurson por komencantoj gvidis pakistatano loĝanta en Italio Mian Salam Shany kaj la progresantojn instruis Marc Giraud el Francio. Eblis ankaŭ lerni la italan lingvon kaj okazis ekzamenoj de IIE (Itala Instituto de Esperanto).
Kiel jam sciate, la italaj Esperanto-kongresoj estas renomaj pro altnivelaj, plej variaj kaj interesaj programeroj. La temo de la ĉi-jara kongreso estis "Paco ne okazas hazarde: la aktiva rolo de ĝemelurbaj rilatoj en la konstruo de eŭropa popolo". Temis pri ĝemelaj urboj, pri kiuj dum la solena inaŭguro okazanta en la urba Aŭditorio San Barnaba, François Lo Jacomo emfazis la gravan kaj utilan rolon de ĝemeliĝo por interkompreno en kiu ankaŭ Esperanto povas favore kontribui. Samtempe en la loko eblis aĉeti poŝtkartojn kun speciala stampo. Posttagmezo estis rezervita por gvidata promeno tra la urbo por eksterlandanoj, dum italoj havis sian jar-asembleon.
La programo kontentigis ĉies postulojn. La matenojn plenigis seminarioj pri: "Nunaj konfliktoj en la Mediteraneo" fare de Javier Alcalde. Pri Sociaj retejoj: "Kiel starigi kaj prizorgi ilin? " AMO-seminario, zorgita de Debora Rossetti.
Per la uzo de la internacia lingvo Esperanto oni respektas la lingvan kaj kulturan diversecon de ĉiu homo
Unuiĝintaj Nacioj festas tiun tagon ĉiujare. Ĝi okazos en la 21-a de februaro. Esperantistoj jam multe eluzas la eblon. Restas semajno por pretigi tion: UEA pretigis okulfrapan afiŝon. Jen kelkaj sugestoj:
• Vidigi la afiŝon en viaj retejoj.
• Organizi publikajn kunsidojn kun la temo.
• Kunlabori kun la Asocio de Unuiĝintaj Nacioj en via lando, se ekzistas.
• Kunlabori kun aktivulaj grupoj defendante lingvajn rajtojn por negrandaj lingvoj.
La Amerika Komisiono de UEA speciale ofertas la prelegon "Logiko – ponto inter filozofio, matematiko, komputado kaj lingvo", de la akademiano Markos Kramer, el Bonaero/Dresdeno. Li estas gasto de la ĉi-monata kulturkunveno de Esperanto-Asocio de San-Paŭlo (EASP), federita asocio de Brazila Esperanto-Ligo (BEL).
Kramer naskiĝis en Bonaero (Argentino) kaj kreskis ĉefe en Germanujo. Li studis matematikon kaj filozofion en Oksfordo (Britujo) kaj doktoriĝis en Bonno (Germanujo) pri temo, kiu ligas matematikan logikon kaj komputan lingvosciencon. Nuntempe li laboras en la Teknika Universitato de Dresdeno, esplorante la ligojn inter logiko-bazitaj metodoj por artefarita inteligenteco kaj la efektiva rezonado de homoj.
Li eklernis Esperanton en 2000 kaj, post aktivado en la Germana Esperanto-Junularo kaj TEJO, membriĝis en la Akademio de Esperanto en 2010. Krom verki plurajn esperantologiajn artikolojn pri diversaj temoj, li estas membro de la PIV-teamo, kiu okupiĝas pri funda prilaboro de tiu vortaro.
• Gražina Opulskienė
Certe multaj scias pri Baltiaj Esperanto-Tagoj, ĉar tio estas unu el la rekonitaj en Esperantujo aranĝoj. Ne mirinde, ĉar jam ekde 1959 ĝi okazas laŭvice en tri landoj: Latvio, Estonio kaj Litovio. Komence studentoj-esperantistoj ekhavis la ideon organizi tendaron por esperantistoj de Baltaj landoj. Ĉiujare la tendaroj laŭvice okazadis en iu bela natura loko de Latvio, Estonio, Litovio. La partoprenantoj dum tagoj ĉeestis prelegojn kaj kursojn, sed vespere sonis kantoj kaj gitaroj. KGB* ĉiam interesiĝis pri Esperanta aranĝo kaj ne ĉiam estis facile ĝin organizi, ofte esperantistoj devis ruzi por ricevi permeson de partiaj sekretarioj. Mirinda fakto estas, ke ekde la foraj sesdekaj jaroj el kunveno de junaj sovetaj esperantistoj la aranĝo evoluis al vera internacia evento. Kelkaj el la tiamaj organizantoj ankaŭ nun fidele partoprenas Baltiajn Esperanto-Tagojn! Multaj esperantistoj ne nur de Eŭropo jam spertis BET, sed multaj ankoraŭ havas ĝin en sia revolisto aŭ devus ekinteresiĝi.
La 10-a Azia-Oceania Kongreso de Esperanto okazos inter 3-6 Novembro 2022, en havenurbo Busano (Busan) de Koreio kun la temo "Novan Vojon por la Esperanto-Movado post Kronvirusa Krizo".
KAOEM de UEA okazigas la kongreson kun LKK el membroj de Korea Esperanto-Asocio. Detaloj pri la kongreso aperos unu post la alia, jutube, reteje kaj revue.
Volontuloj partoprenis en la faro de filmeto. Kaj vi ĝuas la kanton de Amira Chun je la lasta parto de tiu ĉi filmeto.
Apartan dankon al 부산관광공사, Busan Turisma Organizo, pro la aŭspicio.
Okaze de la Zamenhof-festo, Akademianoj prezentos per Zoom konferencon pri diversaj temoj interesantaj kaj la Akademion kaj la ĝeneralan publikon, inaŭgurante novan kontakton inter nia Institucio kaj la Esperantistaro. Ĝi okazos:
Mardon, 14-an de decembro,
13-a –14-a 20 UTC (14-a – 15-a 20 laŭ mezeŭropa horo)
• Probal Dasgupta: Ebloj kaj malebloj en la emfaza ripetado de afiksoj Esperantaj
• Sergio Pokrovskij: Maltrafoj (Kiojn mi volis sed ne sukcesis fari en la Akademio)
• Javier Alcalde: Socia historio de Esperanto. Kial? Kiel? Kien?
• Grant Goodall: Schleyer kaj Zamenhof kiel lingvokreantoj: substantiva morfologio en Volapük kaj Esperanto
• Gražina Opulskienė
Inter la 9-a kaj 17-a de julio 2022 en Klaipėda, Litovio, okazis la 56-aj Baltiaj Esperanto-Tagoj (BET). La redakcio de Esperanto turnis sin al Saŝa Pilipoviĉ, Mikaelo Bronŝtejn kaj Ulrich Brandenburg por ekscii pri iliaj impresoj pri la aranĝo, kie ĉi-foje esperantistoj povis kunveni ĉeeste.
• La estraro de la Akademio de Esperanto