Universala Kongreso

Tiu ĉi estas speciala eldono de La Riverego, la eldonaĵo de Esperanto-Societo Kebekia en kunlaboro kun La Lumo, la eldonaĵo de Kanada Esperanto-Asocio, por informi kanadan kaj internacian publikon pri la 105-a UK-2020 en Montrealo. Kun diversaj eroj de tiuj specialaj eldonoj formiĝos la sekvaj numeroj de La Riverego kaj La Lumo en 2019-2020.

Elŝutu kaj ĝuu senpage:
https://esperanto2020.ca/wp-content/uploads/2019/11/RiveregERo-1.pdf

Kadre de la 105-a UK en Montrealo okazos la 73-a sesio de la Internacia Kongresa Universitato. UEA invitas profesorojn, docentojn kaj personojn kun similaj kvalifikoj sendi proponojn pri prelegoj al la sekretario de IKU (amri@huji.ac.il). La proponoj alvenu plej laste la 15-an de Januaro 2020.

Lige kun la IKU okazos studsesio de Akademio Internacia de la Sciencoj (AIS). Kandidatoj por IKU-prelego povas samtempe proponi AIS-kurson, kiu konsistos el unu prelego kadre de la IKU kaj el du kromaj prelegoj. Tiukaze bonvolu indiki, ĉu la IKU-propono estu konsiderata ankaŭ kiel AIS-kurso.

La prelegoj estu pri interesaj, allogaj temoj kaj taŭgaj por klera publiko. Ĉiu propono enhavu mallongan resumon de la prelego kaj koncizan biografieton de la preleganto – sume ne pli ol unu paĝon. Proponoj, kiuj ne estos elektitaj por la IKU, povos tamen esti utiligitaj en aliaj kadroj, kiel Scienca Kafejo. Ĉiu preleganto devas esti kongresano kaj mem zorgi pri sia aliĝo.

Akceptita IKU-prelego estos rekompencita per honorario de 260 EUR. Duono de la honorario dependas de ĝustatempa livero de teksto por la IKU-libro kaj duono – de la efektiva okazigo de la prelego. Pliaj detaloj kaj antaŭaj prelegoj kaj resumoj troviĝas en la retejo de IKU: https://www.uea.org/kongresoj/universitato.

En la retejo movada-vid.punkto.info aperis intervjuo kun Yevgeniya Zvereva Amis kaj Nicolas Viau, kiuj rakontis pri la venonta Universala Kongreso de Esperanto, kiu okazos en Montrealo, Kanado, en 2020.
Aŭskulti tiun Interparolon vi povas ĉi tie

Montreala teamo en Lahtio, foto de So Jinsu

Jam funkcias la reta aliĝilo por la 105-a Universala Kongreso de Esperanto:
https://uea.org/kongresoj
Rapidu aliĝi!

La Montreala UK sukcesis kapti atenton de la kongresanoj en Lahtio: ĉ. 90 homoj — aŭ 10% de kongresanoj — jam aliĝis por la venontjara kongreso en Kanado. La averaĝa kvanto de aliĝintoj jam en la antaŭa UK estas ĉ. 60, do por Montrealo aliĝis jam 50% pli ol averaĝe.

"Ni estas tre feliĉaj pri la grandega intereso kaj tiom multaj aliĝoj", diras Ĵenja Amis, la respondeculo pri informado. "La intereso pri Montrealo kaj Kanado estis enorma -- pluraj centoj da kongresanoj venis al nia tablo kun granda scivolemo kaj multaj demandoj kaj la plejparto de la venintoj intencis partopreni."

Nova prezidanto de UEA Duncan Charters dum la Solena Fermo de UK

La 104-a Universala Kongreso de Esperanto, kunveninte en Lahtio de la 20-a ĝis la 27-a de julio 2019, kun 917 partoprenintoj el 57 landoj,
traktinte la kongresan temon "Vivanta naturo - floranta kulturo", en tri kongrestemaj sesioj, pluraj prelegoj, kaj diversaj aliaj kunvenoj kaj ekskursoj en la regiono de Lahtio;
notante la kongruecon de la temo kun la lastatempa nomumo de Lahtio kiel Verda Ĉefurbo de Eŭropo por 2021;

Preparoj

Movada Foiro

Sepa kaj Asorti koncertos en la drinkejo Hygge Bar kadre de la antaŭprogramo de la 104-a UK en Lahtio. Je la 21-a horo. Venu ĝui kaj tosti! Konfirmu vian ĉeeston ĉe:
https://www.facebook.com/events/885830938447490/?ti=cl
Estos bela okazo por ekkongresumi.