• Fabien van Mook
 Historiaj ĉevroj
San Werner. Brno: Jan Werner.
2013. 73p. 21cm. Ilus.
Prezo: € 6.30
Jen kelkaj konstruteĥnikaj terminoj: ĉevrono, truso, dilo, klinbenko, patno, selumo, gropo. Ĉu ili aspektas kvazaŭ ordinaraj, ĉiutagaj vortoj?
Multaj legantoj verŝajne respondas jese al la demando. Krom en Esperanto, oni supozeble la saman trajton konstatas en multaj aliaj lingvoj. Se fakuloj relative malmulte komunikas en internacia skalo, la nocioj kaj terminoj, kiuj estas internacie rekonataj, estas malmultaj. Tiel estas en konstruteĥniko. Ankoraŭ nuntempe tre multaj, eĉ plej bazaj, konstruteĥnikaj nocioj ne havas sian Esperantan terminon. En tia situacio la trovado de taŭgaj terminoj en Esperanto (kiu ja estas internacia lingvo) estas granda defio!
|
• Mark Fettes
 UEA en konscio de esperantistoj.
Zbigniew Galor, Jukka Pietiläinen. KAVA-PECH. Dobřichovice. 2015.
167 paĝoj. Prezo: 15,00 €
Sociologiaj studoj pri nia movado ne abundas kaj do bonvenas ĉi tiu nova kontribuo, bazita unuavice sur enketo farita en la 94-a UK en Bjalistoko. La aŭtoroj havas taŭgan profesian kompetenton por plenumi tian esploron, kaj aparte salutinda estas la fakto, ke ili ne baziĝis nur sur enketaj datumoj sed aldone konsideris retmesaĝojn, artikolojn, recenzojn kaj aliajn publikaĵojn en sia spurado de la nuntempa esperantista idearo.
|
• Jorma Ahomäki
 Esploro kaj Dokumentado.
Ivo Lapenna. Red. Birthe Lapenna.
Đurđevac: Grafokom, 2014. 221p.
21cm. Bind. Kromkovrilo. ISBN
9789537818067. Prezo: € 30,00.
Tute freŝa estas en miaj manoj la verko Esploro kaj Dokumentado de Ivo Lapenna. La libro aperis okaze de la 60-jara datreveno de la Rezolucio favore al Esperanto akceptita en la Ĝenerala Konferenco de Unesko en Montevideo 1954. Redaktis ĝin Birthe Lapenna en Danlando. Grafike kaj teknike aranĝis la enhavon Josip Pleadin en Kroatio. La okazintaĵoj en la Esperanto-movado 1976-87 formas la kvintesencon de ĉi tiu nova eldonaĵo.
|
• João José Santos
 José Matias
Eça de Queirós. Tradukis J.D.
Pinto. Associação Paulista de
Esperanto. São Paulo. 2013. 98
paĝoj. Prezo: 9,00 €
En la muelejo.
Eça de Queirós. Tradukis J.D.
Pinto. Associação Paulista de
Esperanto. São Paulo. 2013. 56
paĝoj. Prezo: 8,10 €
Unuaj impresoj - La aŭtoro - La ĝenro rakonto
Unuavide ambaŭ libroj estas tre agrablaj, pro la belaj inaj figuroj sur la kovrilo, pro la agrablaj helgrizaj filigranoj stampitaj sube de ĉiu paĝo. Bedaŭrinde, kelkfoje la tekstaranĝo tiom proksimigis la vortojn unu de la alia, ke la tuta linio fariĝis preskaŭ unusola vorto.
|
• Nikola Rašić
 Sur la foto Géza Gárdonyi (1863–1922)
Steloj de Eger. Géza Gárdonyi. El la hungara trad. Jozefo Horváth. Budapeŝto: Hungaria Esperanto- Asocio, 2012. 480p. 21cm. ISBN 9789635714766. Prezo: € 10,50
Jen kultata libro hungara, kun kiu kreskis preskaŭ ĉiu infano ĉie, kie la hungara parolatas. Verdire ĝi pli intimas al la generacioj pli aĝaj, la gejunuloj nunaj eble pli interesiĝas pri Usono nun ol pri bataloj kontraŭ turkoj antaŭ kvincent jaroj. Tamen, ĝi restas fundamenta por kompreni la historion kaj la nunon ne nur de la hungaroj sed ankaŭ de aliaj popoloj de la mezorienta Eŭropo.
|
• István Ertl
 Esther Schor: Bridge of Words
Eldonejo Metropolitan Books,
New York, 2016. 365 p.
Prezo ĉe UEA: € 33,00
Ni tradicie emas ĝoji kiam respektata „eksterulo” publikigas ion favoran pri nia Esperanta mondo, kiel Umberto Eco en 1993[1] aŭ Roberto Garvía lastjare[2]. Ju pli prestiĝa persono verkas ju pli laŭde, des pli bone… Pri prestiĝo mankas nenio: ĉi tiu monografio venas de Esther Schor, alte agnoskata usona profesorino ĉe la Universitato Princeton, gajninta nacian libropremion per biografio pri la poetino Emma Lazarus.
|
• José Antonio del Barrio
 André Cherpillod: Mensogoj
kaj sekretoj de la historio
Eldonejo La Blanchetière,
Courgenard, 2015. 173 p.
Prezo ĉe UEA: € 12,00
Eblas aserti sen timo tro ĝeneraligi, ke homoj ŝatas misterojn kaj fasciniĝas pri sekretoj. Ne nur en la persona ĉiutaga vivo: sufiĉas ankaŭ kontroli kiom triumfas fikcioj, entenantaj tiujn ingrediencojn. Ne mirigas do, ke ankaŭ verkoj pri misteroj kaj sekretoj en la historio aŭ en la socia vivo fariĝis popularaj en la popola kulturo, kaj ke naskiĝis tuta ĝenro de libroj kaj dokumentfilmoj pritraktantaj tiun malluman parton de la realeco.
|
• Sten Johansson
 Princo Serebrjanij
Aleksej Tolstoj. Tradukis M.
Ŝidlovskaja. Mondial. Novjorko.
2008 (3-a eld). 282 paĝoj.
Prezo: 20,10 €
Meze de la deksesa jarcento la grandprinco Ivano la Kvara de Moskvo alprenis la titolon tutrusia caro. Hodiaŭ li konatas kiel Ivano la Terura aŭ Timinda. Li regis dum duona jarcento, plivastigis la Rusian teritorion per militoj kontraŭ tataraj ĥanoj, enkondukis novaĵojn kiel libropresado kaj nova leĝaro, iniciatis konstrulaborojn kiel la katedralo de Sankta Bazilo en Moskvo.
|
• Anna Striganova
 Inui Tomiko. La nanoj en domo kun granda zelkovo.
JEI, 2017, 208 p.
Prezo ĉe UEA: € 9,00
“Mi tion nomas la alta – la elektitajn kaj triste apartigitajn formojn de ekzisto, al kiuj necesas rilati kun delikata tenero. La granda ĉiam montras sin potenca, ĝi surmetas fortajn botojn kaj tute ne bezonas iun respektoplenan kulton. Sed ĝuste la alta tuŝas la animon. Ĝi estas, diablo min prenu, la plej kortuŝa, kio ekzistas sur la Tero.”
(T. Mann)
Mia subita konatiĝo kun La nanoj en domo kun granda zelkovo jam promesis al mi, ke la legado estos profunde kortuŝa. “La libro de la jaro” – tradicia programero de UK, dediĉita al novaperintaj libroj, venis al sia fino kaj jam iom lacigis la aŭskultantojn.
|
• Carlo Minnaja
 Edwin de Kock. Testamente. Plena originala poemaro. Novjorko: Mondial, 2015. 698 paĝoj.
Prezo ĉe UEA: 36,00 €
La sudafrikan poeton de Kock mi sekvis konstante ekde liaj unuaj memeldonitaj broŝuretoj, ekstere modestaj, sed profunde elvokivaj, kaj dum liaj daŭre ŝanĝataj klopodoj strebe al grandioza kaj ĉionentena eposo; min logis lia insista disiĝo de la dogmaj parnasismaj ŝablonoj, lia ĉirkaŭrigarda analizo, lia atento al la homo.
|
