Eventoj

• Bert de Wit

De la 1a ĝis la 8a de aŭgusto okazis la Virtuala Kongreso de Esperanto. Entute 1852 personoj aliĝis laŭ la listo de partoprenantoj!
La programo daŭris preskaŭ ĉiujn 24 horojn de tago. Tio estas logika, ĉar oni vivas en diversaj kontinentoj kaj do diversaj horzonoj. Tamen la ĉefaj programeroj ofte okazis en eŭropaj tempoj.
En la programo estis ripetaj diskutgrupoj por ekz.e kredantoj, ateistoj, ekologiemuloj, hundoŝatantoj, samseksemuloj, Oomoto, k.s. Samkiel en “fizika” kongreso..
En la programo estis ekz.e prelegoj pri la Esperanto-Movado kaj la Ligo de Nacioj, aŭtoraj duonhoroj (ekz.e Federico Gobbo pri la libro de Claudio Magris), pri la lernado de dua lingvo, pri interplanedaj vojaĝoj (Kongresa Universitato), k.t.p.
La tago de lernado okazis la 4an de aŭgusto kaj al ĝi kontribuis diverslandaj fakuloj, ekz.e Mireille Grosjean, Katalin Kováts, Ilona Koutny kaj Federico Gobbo. Interesa programo!
Kompreneble en virtuala kongreso oni ne povas tuj renkontiĝi kun geamikoj kiujn oni ne vidis dum longa tempo, oni ne povis komune manĝi kaj trinki en restoracio, sed aliflanke estis plezuro revidi homojn per la interreto kaj babili kun ili en babilejoj. Okazis eĉ virtualaj ekskursoj tra diversaj famaj urboj. Kaj virtualaj koncertoj.
Mi notis kelkajn plusojn kaj minusojn pri virtuala kongreso ĉi sube

PLUS-PUNKTOJ
• Partoprenantoj ne bezonas vojaĝi, elspezi multan monon por atingi la kongreson kaj ili indulgas la medion.

• Partoprenanto povas manĝi, trinki, k.t.p. dum la programo okazas en interreto. Oni povas facile kombini sian propran tagprogramon kun tiu de la kongreso.
Oni povas partopreni kiam oni volas kaj oni povas poste spekti diversajn programerojn kiujn oni maltrafis (“spektaĵoj”). Oni metos tiujn poste en interreton. ILEI ekz.e havas specialan jutjuban kanalon en kiu oni povas (re)vidi kongresprogramerojn.

Nun la 52-a Korea Kongreso de Esperanto okazas virtuale. Vi povas aliĝi senpage - https://eventaservo.org/e/47ac80

La 52-a Korea Kongreso de Esperanto, 100-jara Jubileo, kaj 2-a Esperanto-forumo inter Shanghai kaj Seulo okazas en sama periodo inter 9a kaj 11a de Oktobro, 2020, tute virtuale. Eksterlandanoj aliĝeblas senpage per sendo de 'nomo, lando, retpoŝtadreso' al "kea.esp.2020@gmail.com", kaj VKK, Virtuala Kongresa Komitato, sendos ligilon antaŭ la kongreso.

3 Eventoj okazas en sama periodo inter 9a kaj 11a de Oktobro 2020, samloke en Hi Seoul Junulara Gastejo(Youth Hostel) de Seulo, Koreio.

La 52-a Korea Kongreso kun temo "La Estonto de Artefarita Lingvo 'Esperanto' en la Epoko de Artefarita Inteligenteco" okazas kiel regule kun prelegoj de spcialistoj je AI kaj Esperanto. Okaze de la speciala jaro por Korea Esperanto-Asocio, nome 100-jara Jubileo de Fondiĝo de la Asocio, kongresanoj spertos ĉeesti ceremonion, memorkunvenojn kaj eldonfeston de la kronologia libro. Krome okazos la 2-a Esperanto-forumo inter 2 urboj Shanghai de Ĉinio kaj Seulo de Koreio, kiu komencis de la lasta jaro 2019 en Shanghai.

La estraro de LIBE (Ligo Internacia de Blindaj Esperantistoj) decidis, organizi la 19-an de decembro je la 12-a horo laŭ la mezeŭropa tempo en nia voĉa babilejo “Esperantolando” virtualan renkontiĝon, dediĉitan al la naskiĝtago de L. L. Zamenhof. Tiu tago estas mondvaste festata kiel tago de Esperanta libro.
Vi ĉiuj povas kontribui al la programo per versoj, kantoj aŭ malgrandaj rakontoj. La daŭro de unu kontribuaĵo ne devas esti pli longa ol 7 minutoj. Vi povas proponi vian programeron mem aŭ fari sonan registraĵon. Viajn kontribuaĵojn bonvolu Sendi al jena adreso: gloro59@yandex.ru.
Se vi intencas prezenti ion neregistritan, bonvolu Informi pri tio, skribante pri longeco kaj temo de la kontribuaĵo. Nia babilejo funkcias surbaze de programo Teamtalk. Se vi ankoraŭ ne havas Teamtalk en via komputilo, vi povas turni vin al Vjaĉeslav Suslov, kiu volonte helpos vin. La adreso estas la sama.

Ni atendas vin senpacience.
Kore vin invitas al la evento,

LIBE-estraro

La 20-a de septembro 2020 estos la lasta oficiala tago de la Monda Festivalo de Esperanto (MondaFest’ 2020), en kiu je la 14:00 UTC okazos la Printempa Inaŭguro. MondaFest' 2020 celas omaĝi du festajn sezonojn: Someron kaj Printempon. La Somera Inaŭguro markis la unuan oficialan tagon de la festivalo kaj omaĝis la komenciĝon de somero en la norda hemisfero. La Printempa Inaŭguro markos la lastan oficialan tagon de la Festivalo kaj omaĝos la komenciĝon de printempo en la suda hemisfero. Tial MondaFest' 2020 kun espero rigardas nian planedon, per inspiriĝo je sezonoj de varmo kaj florado, kaj per du inaŭguroj tenos dinamika kaj konstanta la agadon por Esperanto kaj por la kulturo de paco kaj diverseco en nia mondo.

En la programo de la Printempa Inaŭguro la publiko ĝuos belan kaj profundan omaĝon al Júlia Sigmond kaj Sen Rodin, la lanĉojn de la Internacia Novelo-Konkurso (INK) kaj de la kampanjo por Tutmonda Arbo-plantado, raporton pri la festivala temo fare de Humphrey Tonkin, paroladojn de niaj ĉefgvidantoj en ILEI, TEJO kaj UEA kaj multe pli. Ĉiuj estas bonvenaj spekti ĝin en la spacoj de UEA ĉe Facebook (facebook.com/universala.esperanto.asocio) kaj YouTube (https://youtu.be/8g1w_xEdZVU).

• Mireille Grosjean

Ni uzu tiun Tagon por pripensi pri nia vivo, nia agado, nia laboro, nia nutrado, provante trovi la plej bonajn solvojn por ni mem, nia familio, nia vilaĝo aŭ kvartalo. Ni uzu tiun Tagon por iri al konatulo aŭ parenco kaj diskuti provante solvi malnovajn konflikton kaj retrovi serenecon, atingi pacon. Ni uzu tiun Tagon por paroli pri respekto kaj solidareco okaze de nia instruado; tekstoj pri tiaj temoj ne mankas.

Unu el niaj plej elstaraj aktivuloj - i.a. gajnintino de la Premio Deguĉi en 2019 - prezentis sian agadon por Esperanto en Angolo, kun aparta fokuso pri la provinco Kabindo.

Klerige: Heidi Goes pri lastatempa Esperanto-agado en Angolo - Plia rendevuo kadre de la serio "Klerige", sub la kunordigo de Claude Nourmont, komisiito de UEA pri Kulturo.

Ekde 2015 Heidi Goes vizitis ses fojojn Angolon por siaj doktorigaj esploroj. Ŝia esplortereno estis precipe Kabindo, eksklava provinco de Angolo inter Kongo Kinŝaso kaj Kongo Brazavilo. En 2018 ŝi sukcesis post prelego pri alia temo, paroleti pri Esperanto al mezlernejanoj kaj en 2019 ŝi enkondukis Esperanton en la sama mezlernejo kaj en apuda lernejo por ontaj instruistoj (en Landana).

Iru al la jutub-kanalo de ILEI, kie vi povas spekti la programerojn de VEKI.
Esperanto+Edukado ILEI: https://www.youtube.com/c/EsperantoEdukadoILEI/
Ĉar VEKI daŭris 7 tagojn, ĉar ĉiu tago enhavis 12 horojn da elsendado, temas pri proksimume 80 programeroj. Jam nun aperas la unuaj, kaj la plusendado daŭros ĝis la 15-a de novembro. Do iru al la paĝo kaj abonu ĝin.
Tiu paĝo ankaŭ enhavas novaĵojn pri ILEI kaj filmojn pri pedagogio kaj lingvolernado. Do ne malhavebla ilo por vi!