Facile listigi kaj trovi eventojn!


Per Eventa Servo oni povas vidi eventojn ĉirkaŭ la tuta mondo laŭ mapo, listo, kartaro kaj kalendaro.
Ankaŭ eblas filtri la eventojn laŭ kontinentoj, landoj kaj urboj.

Eventoj

Lundo, Julio 20, 2020 - 22:34


Kadre de #MondaFest’ 2020, la Irana Es­pe­ranto-Asocio (IREA) okazigas serion de la prog­rameroj kun la titolo “Kunpens(ig)ado: Esperanto kaj Universitatoj”. La 4-a sesio okazis la 20.07.2020. Vi povas spekti registraĵon de la tuta evento, kiu daŭ­ris preskaŭ du horojn, ĉe jutubo:
https://youtu.be/u3vEbe5tBXs

Sabato, Julio 18, 2020 - 12:05


Unu el la tradiciaj eroj de la Universalaj Kongresoj estas la bankedo. Estas facile konstati, ke kunmanĝado estas unu el la plej bazaj kaj unuecigaj manieroj kunesti por homoj de ĉiuj kulturoj, de ĉiuj anguloj de la planedo kaj tra ĉiuj historiaj epokoj de la homara evoluo. Sed en la jaro 2020 ni alfrontas la eksterordinaran defion kreitan de pandemio, kiu aparte limigas la eblecon kunesti kaj kunmanĝi. La organizantoj de tiuj ĉi eventoj decidis trovi kreeman manieron festi nian homecon kaj festeni en la Virtuala Kongreso de Esperanto (VK): vk.mondafest.net/. UEA invitas vin ĉiujn partopreni la aranĝon “Kunmanĝado tra la Mondo”, okazontan la 5-an de aŭgusto, merkredon, 16:00-18:00 UTC.

Ĵaŭdo, Julio 16, 2020 - 16:57

Aperis provizora programo de la VEKI (Virtuala Esperanto-konferenco ILEI) 25-a ĝis 31-a de julio 2020.

Ĵaŭdo, Julio 16, 2020 - 13:37

Ralph Glomp

Saluton karaj, mi sentas min ekscitita, ĉar ILEI akceptis mian koncerton ĉe VEKI - La 53-a Virtuala Esperanto-Konferenco ILEI 2020 (aliĝo eblas je https://veki.ilei.info/). Do, mi koncertos (antaŭe registrite, sed tamen vive kantita) dimanĉe 26-an de julio je la 7-a horo UTC+2. Mia spektaklo nomiĝas "El rememoroj de idealisto" laŭ rakonto de Anton Ĉeĥov, kiu nun havus 160 jarojn, samkiel Ludoviko Zamenhof. La rakonto estas de la libro "Ĉeriza ĝardeno" de Eldonejo Sezonoj, Kaliningrado, kun afabla permeso de Aleksander Korĵenkov (traduko Viktor Kudrjavcev). Bonvolu ĉeesti, karaj samideanoj. Dankon.

Merkredo, Julio 15, 2020 - 13:23

.
Kiel parto de la Virtuala Kongreso okazanta en la kadro de la Monda Festivalo de Esperanto 2020, denove okazos Oratora Konkurso por la junularo.

La konkurso okazos en du sesioj:

• elimina sesio: malferma al ĉiuj partoprenantoj, ĝi okazos ĵaŭdon, la 30-an de julio, 11:00-16:00 UTC.

• fina sesio: la kvin plej elstaraj konkursantoj revenos sur la virtualan scenejon denove merkredon, la 5-an de aŭgusto, de la 15:00 ĝis la 16:00 UTC, por decidi la tri premiotojn.

Sabato, Julio 11, 2020 - 09:57

Antaŭ unu semajno okazis MONAT, Tago de Meza Oriento kaj Norda Afriko, kiun sekvis en la reto ĉ. 1800 personoj. Ĝi aperos en UEAviva ekde hodiaŭ en kvar partoj. La unua: Malfermo, kun muzika antaŭludo de Fransoazo, enkondukaj paroloj nome de MONA kaj UEA kaj pluraj salutantoj, i.a. la Prezidanto kaj estraranoj de UEA: https://youtu.be/efoX6xI2GCc. Morgaŭ aperos la dua parto: landaj raportoj kun koncerto de Jomo.

Dimanĉo, Julio 5, 2020 - 12:37


Hodiaŭ, la 5-an de julio je la 13:00 - 14:00 Etc/UTC, kadre de Monda'Fest' 2020 okazos debato inter kandidatoj al prezidanteco en TEJO (Gvidas Rakoen Maertens).
Kiu estos la vojo de TEJO en la estonteco? Kiuj estos la ĉefaj prioritatoj? La du kandidatoj por prezidanteco prezentos sian vizion pri TEJO kaj respondos al viaj demandoj.
Pliajn informojn trovu ĉe eventaservo.org

Sabato, Julio 4, 2020 - 13:30


AEA organizis virtualan vintran kongreson dum la tuta tago, la 7-an de junio 2020. Redaktoroj de la revuo Esperanto kaj de la Reta Revuo ankaŭ partoprenis ĝin.

Prelegis:
• Duncan Charters, Usono
• Katalin Kováts, Nederlando
• jOmO, Francio
• Renato Corsetti, Britio
• Keyhan Sayadpour, Irano

En la retejo de AEA aperis la videaĵoj de ĉiuj prelegoj.

Vendredo, Julio 3, 2020 - 18:52

MONAT okazos virtuale kadre de MondaFest'2020 kaj estos senpaga

.
La kunveno okazos virtuale per Zoom la 4-an de julio.
Detalojn vi povas vidi ĉe https://eventaservo.org/e/903dd7
11:00 - 12:00: Neformala interkonatiĝo
12:00 - 13:00 Oficiala Malfermo
12:00 Muzika antaŭludo: Fransoazo (melodioj de MONA), s-ro Ghahramanloo (irana grupo Nioosh)
12:20 Bonvenigas nome de MONA Keyhan Sayadpour
- Nome de UEA salutas Amri Wandel, estrarano pri MONA
- Salutas aliaj komisionanoj de MONA.

Lundo, Junio 29, 2020 - 14:14

E@I-teamo


La duan fojon en la historio de Esperantujo ni invitas vin al SEP, la unua Esperanta hackathon!
Krom SES okazos ankaŭ ĉi-jare paralela evento, organizita de E@I-teamo. SEP (Somera Esperanto-Programado) okazos ekde la 18-a de julio (12:00 GMT) ĝis la 26-a de julio (12:00 GMT). Samkiel SES, ankaŭ ĝi estis ŝovita al la virtuala spaco ĉi-jare. SEP do okazos ankaŭ virtuale, tra interreto.
Tio povas ankaŭ helpi al multaj kun-fari, partopreni de siaj hejmoj – ĉar ja la ideo de SEP estas kunlabore realigi poresperantajn interretajn projektojn. Do por tiu-ĉi evento la reta platformo eĉ estas utila kaj bonvena!

Paĝoj