UEA

La 29-an de junio okazis en la Centra Oficejo de UEA la nombrado de la voĉoj donitaj en la elektado de kvin Komitatanoj B por la periodo 2019-2022. Por tiu tasko la Estraro de UEA nomumis komisionon, kiu konsistis el la Ĝenerala Direktoro Martin Schäffer kaj la individuaj membroj Tobiasz Kaźmierski kaj Marc Konijnenberg. Aliaj helpantoj asistis ĉe la nombrado.

Por la unua fojo en la historio de UEA, membroj povis voĉdoni perrete. Papera balotilo estis tamen sendita al ĉirkaŭ 800 membroj, kiuj aŭ ne havis retpoŝtadreson aŭ havis iun kiu en la pasinteco iel ne funkciis. Partopreno eblis por ĉiu membro, kiu jam kotizis por la jaro 2019. La voĉdono estis plene anonima. El ĉiuj voĉdonrajtaj membroj (3849) voĉdonis 1497, t.e. 38,89%. Ĉiuj voĉdoniloj estis validaj, tamen 17 kovertoj ne respondis al la reguloj pri valideco. Plej multe da voĉoj, 1055, ricevis Emilio Cid. La aliaj kvar sukcesaj kandidatoj estis Osmo Buller (966), Lee Jungkee (868), Michael Boris Mandirola (856) kaj Aleks Kadar (773). Ne elektitaj estis Duncan Charters (764), So Jinsu (706) kaj Didier Janot (357).

La Komitatanoj B reprezentas en la supera organo de UEA la individuajn membrojn. Estas unu Komitatano B por ĉiu komencita milo da membroj laŭ la stato fine de la antaŭa jaro, ĉi-kaze la 31-an de decembro 2018. Krome, ĉiuj aliĝintaj landaj kaj fakaj asocioj kun minimume 100 membroj rajtas nomumi Komitatanon A. Aliaj asocioj nomumas observantojn, kiuj ne havas voĉdonrajton en la kunsidoj de la Komitato. Fine, la Komitatanoj A kaj B rajtas alelekti Komitatanojn C, kies nombro ne rajtas esti pli ol la kvarono de la suma nombro de la Komitatanoj A kaj B.

• Katalin Kováts, ĉeforganizinto de la ekzamentago

Post eventoplena monato majo, en junio okazis eĉ pli multaj KER-ekzamenoj tra la tuta mondo.
La ekzamena komisiono de UEA kun dek kvin lokaj organizantoj okazigis la 8-an Tutmondan Ekzamentagon. Ekzameniĝis en 15 urboj de 11 landoj entute 134 personoj. El inter tiuj lokoj en 7 urboj okazis ankaŭ parolaj sesioj, kiujn ni efektivigis tra skajpo. Entute 28 personoj ekzameniĝis en tiu formo.

Ĉu vi scias? Nun elektronika membrokarto disponeblas por ĉiu aktuala UEA-membro. Por ekhavi vian karton aliru la sekcion Via spaco ĉe la retejo de UEA:
https://uea.org/via

Kelkajn voĉlegitajn numerojn de la revuo Esperanto membroj de UEA povas aŭskulti en la retejo de UEA. La tekstoj estas legitaj de volontuloj de pluraj landoj kaj eventuale estas uzeblaj ankaŭ por plibonigi aŭskultan komprenon de Esperanto.

La voĉlegita aprila numero de la revuo Esperanto estas aŭskultebla ĉi-tie

Kelkajn voĉlegitajn numerojn de la revuo Esperanto membroj de UEA povas aŭskulti en la retejo de UEA. La tekstoj estas legitaj de volontuloj de pluraj landoj kaj eventuale estas uzeblaj ankaŭ por plibonigi aŭskultan komprenon de Esperanto.
La sonversio de marta numero

• Laŭlum
Muroj de miljaroj / Ie en Ĉinio.
Roman Dobrzyński. Varsovio: la aŭtoro, 2004. 32 + 25 min. DVD.
Prezo: € 21,00

Ĉu vi ĉeestis la 89-an UK en Pekino? Se jes, havigu al vi la DVDon Muroj de Miljaroj faritan de Roman Dobrzyński, ĉar ĝi refreŝigos vian memoron pri scenoj kiujn vi travivis, kaj montros al vi ankaŭ scenojn neviditajn de vi en la menciita plej grava evento de esperantistoj en la jaro 2004.

Por ke lingvo estu internacia, ne sufiĉas nomi ĝin tia.
L.L. Zamenhof

• Stefan MacGill

Estas mirige, kiom vaste ni kredas je la universaleco de nia Universala Esperanto-Asocio. Estas oportuna mo­mento esplori pli detale la limojn de tiu universaleco. Ni trovos, ke tiuj li­moj estas pli okulfrapaj ol ni populare kredas. Kiuj estas la esplorindaj te­renoj? Komence, evidente, ni rigardu la membronombron. Due, ni analizu la konsiston de la Komitato, la supera de­cidorgano de la Asocio. Poste la nom­bron de delegitoj, kotizperantoj kaj ĉefdelegitoj. Gravan indikon donas ni­aj ‘tutmondaj’ renkontiĝoj: UK, IJK kaj la Kongresoj de ILEI. Esplorindas kro­me nia Akademio. Ĉiuj datumoj laŭ la Jarlibro 2018 aŭ la Reta Oficejo de UEA, ĉiam pri 2018 komence de ok­tobro, jaro kiu estas ankoraŭ ne fin­kalkulita.

La Estraro de la Universala Esperanto-Asocio kunsidis en Roterdamo la 19-an, 21-an kaj la 22-an de aprilo.
Dum la kunsidoj estis traktitaj multaj temoj, kiuj rilatas al la kurantaj kaj strategiaj aferoj de la Asocio. Jen nur kelkaj el ili: membraro kaj membrovarbado, servoj kaj retejoj, landaj asocioj, oficejoj kaj oficistoj, financoj, kunlaboro kun ILEI, TEJO kaj aliaj fakaj asocioj, Belartaj Konkursoj, informado, eksteraj rilatoj, regionaj komisionoj kaj kongresoj, komisiitoj, UK en Lahtio kaj UK-oj en la sekvaj jaroj kaj multaj aliaj gravaj por UEA temoj.