UEA

La unua vicprezidanto de UEA Fernando Maia Jr. estis elektita kiel la Esperantisto de la Jaro.

Foto de Anna Striganova

Hodiaŭ, la Nobelpremion pri literaturo ricevas la usona poetino Louise Glück (https://eo.wikipedia.org/wiki/Louise_Gl%C3%BCck). Bedaŭrinde ne ekzistas Esperanto-tradukoj de ŝiaj verkoj. La libroservo de UEA tamen ofertas librojn de pluraj iamaj premiitoj:

Andrić, La Ponto super Drino (https://katalogo.uea.org/katalogo.php?inf=9635);
Beckett, Lulkanto (https://katalogo.uea.org/katalogo.php?inf=4168);
Brodskij, De nenie kun amo (https://katalogo.uea.org/katalogo.php?inf=6543);
Camus, La fremdulo (https://katalogo.uea.org/katalogo.php?inf=4590);
Faulkner, Du noveloj (https://katalogo.uea.org/katalogo.php?inf=944);
Grass, Egaligo de ŝarĝoj (https://katalogo.uea.org/katalogo.php?inf=7161);
Grass, La lada tambureto (https://katalogo.uea.org/katalogo.php?inf=6372);
Hamsun, Victoria (https://katalogo.uea.org/katalogo.php?inf=2496);
Hemingway, La Neĝoj de Kilimanĝaro (https://katalogo.uea.org/katalogo.php?inf=6704);
Hemingway, La oldulo kaj la maro (https://katalogo.uea.org/katalogo.php?inf=5222);

[ Mesaĝo sendita al UN. Kun afabla peto republikigi ĝin en viaj lokaj kaj landaj gazetoj kaj aperigi ĝin en viaj aliaj komunikiloj. Dankon! ]

Antaŭ precize cent jaroj, la 9-an de decembro 1920, dek unu membraj ŝtatoj de la Ligo de Nacioj prezentis projekton de rezolucio al ties Asembleo. La projekto atentigis pri la bezono de praktika solvo al la lingvaj obstakloj kiuj malhelpis la diversajn naciojn, kaj aludis lastatempajn eksperimentojn pri instruado de Esperanto en lernejoj. Rezulte, oni komisiis raporton de la vica ĝenerala sekretario, Inazo Nitobe, sed, spite la favorajn konkludojn de la raporto, oni fine malakceptis la rezolucion.

La prezento de tiu projekto de rezolucio tamen komencis la ligon inter la Esperanto-movado kaj internaciaj organizoj. Tiu asociiĝo daŭras ĝis hodiaŭ. Ni fieras pri nia historio de subtenado de homaj rajtoj kaj interkompreniĝo kaj nia daŭra apogado de la laboro de Unuiĝintaj Nacioj. Ni antaŭĝuas daŭrigon de tiuj klopodoj en venontaj jaroj.

En decembro enprofundiĝu en la studon de nia lingva fundamento! Aĉetu Fundamento de Esperanto kun sesona rabato, sendepende de kvanto.

AMO-70 pasos la 29-an de novembro (dimanĉo), je la 14:00 (CET).

Programo:

14:00 (CET): Malfermo: Enkonduko SMG (mi pretigis kaj aktualigos lumbildojn).
14:30 - La kontribuo de la ĵurnalista asocio TEĴA– Alfred Schubert.
15:15 –Diskuto pri la du sesioj kaj formulo de rekomendoj.
15:40 –Loko rezervita por ILEI aŭ aliaj Fakaj Asocioj. Se ne venos kontribuoj – forumo.
16:00 – Du-hora prezento de TEJO: Charlotte Scherping, Klara Ertl, Tomáš Stano.
1. Liveri efikan aktivulan trejnadon – kampo en kiu TEJO havas sperton
2. Diskutigi la nunan staton de nia komunumo kaj la perspektivojn
3. Analizi ĝiajn fortojn kaj malfortojn (FLAM-analizo)
4. Reliefigi la ĉefajn defiojn kaj laborkampojn por la movado.
5. Formuli rekomendojn por konsili la movadon, precipe prialiro al rimedoj.

Elŝutu la voĉlegitan novembran numeron de la revuo Esperanto.
La tekstoj estas legitaj de volontuloj de pluraj landoj por
vidhandikapitoj kaj eventuale estas uzindaj ankaŭ por plibonigi
aŭskultan komprenon de Esperanto:
https://uea.org/revuoj/sono

La Centro de Esploro kaj Dokumentado (CED) estas branĉo de UEA, fondita en 1952 de Ivo Lapenna, kaj respondeca pri scienca esplorado pri la fenomeno Esperanto, ĝia movado kaj komunumo, kaj ĝia videbligo en sciencaj kaj intelektulaj rondoj ekster la movado.

En aŭgusto 2020 Humphrey Tonkin, la direktoro de CED dum pli ol kvar jardekoj, transdonis sian gvidan postenon al Mark Fettes. Kunlaborantoj jam de multaj jaroj, la du universitataj profesoroj kaj eksprezidantoj de UEA interkonsentis pri la elprovo de nova organiza formo por tiu plej longdaŭra esplora centro de la Esperanto-movado.

CED nun konsistas el Konsilantaro, kiun nomumas la Estraro de UEA. En ĉi tiu momento, tiu Konsilantaro konsistas el jenaj homoj: Xavi Alcalde, Irene Caligaris, Renato Corsetti, Mark Fettes, Guilherme Moreira Fians, Michele Gazzola, Federico Gobbo, Kimura Goro, Alessandra Madella, Mélanie Maradan, A Giridhar Rao, Orlando E. Raola, Ida Stria, Angela Tellier, Humphrey Tonkin kaj Bernhard Tuider.

Por novembro sinjoro Novembro tradukis simplajn rakontojn el la historio de Portugalio.
Dum la tuta monato aĉetu lian Iam en Portugalio kun sesona rabato, sendepende de kvanto.