Eventoj

Malfermiĝis la reta aliĝilo por la Virtuala Kongreso de Esperanto (VK), okazonta kadre de la Monda Festivalo de Esperanto (MondaFest’ 2020) inter la 1-a kaj 8-a de aŭgusto. Aliru ĝin per http://vk.mondafest.net/.

La aliĝo al la VK estas senpaga por Individuaj Membroj de UEA (kaj TEJO). Tamen, tiel ke la Asocio povu provizi la plej bonajn rimedojn kaj servojn, necesas aliĝi ĝis la 26-a de julio. Post tiu dato, estos antaŭvidata simbola kotizo por kontribui al kovro de la kostoj de la aldonaj laboroj pro malfruaj aliĝoj.

Por aliĝi al la VK, Individuaj Membroj de UEA devos provizi sian UEA-kodon. Se la sistemo ne rekonas la kodon, vi povas kontroli ĝin ĉe https://uea.org/via/persone. Se ĝi ĝustas, kaj vi aliĝis lastatempe, povas esti ke la sistemo de la VK ankoraŭ ne havas la plej ĝisdatan informon de la datumbazo de UEA pri via membreco en 2020. Tiuokaze, bv. signali tion al la indikota retadreso.

• Sonja Zaretskaia
SES-teamano

Ĉi-jare E@I preparas por vi specialan, unikan virtualan Esperanto-lernejon!
La pandemiaj obstakloj ne permesas, ke SES 2020 okazu fizike en Ĉeĥio, kiel antaŭe planite. Sed ĝi tamen ja okazos – virtuale kaj tutmonde! Tiu-ĉi SES okazos 18.-26.7.2020, kaj la ĉefa instruado okazos dum la du semajnfinoj (kun aldona libervola programo inter ili, ĉefe posttagmeze/vespere laŭ la mezeŭropa tempozono).
Dum SES okazos ne nur diversnivelaj kursoj de Esperanto, sed ankaŭ kurso pri Esperanto-literaturo kaj kulturo kaj plia kurso pri tradukado de kaj al Esperanto. La kursojn gvidos spertaj instruistoj. Pliaj detaloj pri ili: https://ses.ikso.net/2020/eo/instruado/. La plej altnivelan kurson de Esperanto gvidos ankaŭ fama aŭtoro de PMEG - Bertilo Wennergren kune kun Birke Dockhorn. Kurson pri la EO-literaturo gvidos sperta Oleg (Oĉjo) Ĉajka el Rusio, la kurson pri tradukado fama verkisto/tradukisto/bardo: Mikaelo Bronŝtejn. Krom tio la partoprenantojn atendas diversaj prelegoj, diskutoj, kvizoj, koncertoj kaj multe pli.

Tumultaj tagoj! Kiel solece ni povas sperti tiom da sprono kaj energio? La Landa Asocio de UEA en Irano (IREA) jam paŝis decide, por altigi la nombron da eblaj partoprenantoj de 100 ĝis 500, pere de la aplikaĵo Zoom (Zomo).

Kadra aranĝo: Irana reta kongreso (16a-17a de aprilo)

Datoj: 18-19 aprilo (sabate-dimanĉe)
Horoj:
UTC 10.30h – 13,30; CEST: 12.30h-15.30h, Irano: 15h – 18.00h.
Komunikilo: Zoom (alirkondiĉoj difinendaj)

Temo: Esperanto kaj izoliĝo

Proponata programo: SMG aprilo 7, 08.44 CEST. Akceptita ene de unu tago de
la iranaj esperantistoj kaj la estrarano de UEA pri AMO.

• Halina Komar, Kazimierz Krzyżak

Transformado de Laborteamo por Multkultura Vilaĝo Esperanto dum POL’and’ROCK – atendado de no­vaj aktivuloj, freŝaj ideoj, novaj mon­fontoj…

Organizita jam la 25-an fojon la gran­dega Festivalo Woodstock/Pol’and’Rock jam estas post ni! Neimagebla ama­so da publiko (ĉirkaŭ 800 000 ĉe­estantoj kaj dum la grandaj koncertoj – ĝis unu miliono!), kvankam pro mal­bona pluva vetero dum 2 antaŭaj tagoj, la vi­vo de la tuta Festivalego iomete mal­fruiĝis. La plej granda ondo de ĉe­es­tantoj venis tien jam dum suneto la 1-an de aŭgusto 2019.

• Inhye Gim (Ella)

Kun la temo “Kion ni faru oka­ze de la 100-jara jubileo de Korea Es­peranto-Asocio” la 51-a Korea Kon­gre­so de Esperanto okazis de la 5-a ĝis la 6-a de oktobro en Jinju, kiu situas en la plej suda parto de Koreio, apud Busan, en kiu pli ol 130 verdaj samideanoj par­toprenis inkluzive 12 el Japanio, 4 el Ĉinio, 1 el Belgio, 1 el Brazilo, 1 el His­panio, 1 el Mongolio.
Nur 2-jaraĝa la filio Gyeongnam pre­nis sur siajn ŝultrojn okazigi la Kore­an Kon­greson de Esperanto en sia urbo.
Tion ni aplaŭdas kaj tio donas al ni kuraĝon kaj freŝan venton, nur tial ke nove naskiĝinta filio havas sufiĉan energion kaj donas ĝin al ni, KEA, kaj ili daŭre naskas novajn komencantojn. Plie en la ĉi-foja kongreso ni nepre devis elekti novan prezidanton de KEA, kaj ni elektas lin, kies nomo estas So Jinsu, kiu nun brile agadas en la Estraro de UEA. Ni esperas, ke la nova prezidanto bone gvidos nian novan 100-an jaron.

Hieraŭ, la 8-an de novembro, Anna Striganova kaj Dima Ŝevĉenko partoprenis la X Tutrusian scienc-praktikan konferencon "Amaskomunikiloj en la multpolusa mondo: problemoj kaj perspektivoj". Anna elpaŝis kun la temo «La Ondo de Esperanto»: 1909-1917, 1991-2019...». Materialoj de la konferenco estos publikigitaj libroforme.

Anna kaj Dima ofte partoprenas diversajn sciencajn konferencojn kun prelegoj, rilataj al Esperanto. Tiel ĉi-printempe ili rakontis pri neologismoj en Esperanto (Anna) kaj pri Esperanto en sociaj retoj (Dima) dum la III Internacia scienc-praktika konferenco “Lingvo kaj parolo en la interreto: personeco, socio, komunikado, kulturo”. Kaj antaŭ unu jaro ili rakontis pri la revuo Esperanto (Anna) kaj pri Unesko-Kuriero en Esperanto (Dima) dum la IX Tutrusia scienc-praktika konferenco "Amaskomunikiloj en la multpolusa mondo: problemoj kaj perspektivoj".

• Liba Gabalda

Ĝi okazis 04.08-11.08.2019 en bieno de Salesianaj fratoj en la populara kvartalo Horta de Barcelono. Bela ĝardeno kun pluraj romantikaj anguloj, floroj, basenetoj kun testudoj kaj fiŝoj, fontanoj, statuoj kaj palmoj ĉirkaŭas la lokon. Ĝi estas tre agrabla ripozejo, sed tamen dum la kongreso oni multe laboris kaj ŝvitis pro la varmega tutsemajna vetero.
Antaŭ cent dek jaroj okazis en Barcelono la tre sukcesa 5-a Universala Kongreso, kiun ĉeestis doktoro Esperanto, L.L. Zamenhof. Barcelono allogas. Al la ĉi-jara kongreso aliĝis 220 gesamideanoj el la tuta mondo. Post la alveno oni bonvenigis la unuafojajn kongresanojn kaj klarigis al ili kio estas SAT. En la bela okulfrapa kongresa sako ni malkovris ilustritan kongreslibron redaktitan de Javier Alcalde kun detalaj priskriboj de ĉiuj programeroj. Krom tio enestis dulingva libreto "Esperanto: Unu lingvo por ĉiuj" de Eduardo Vivancos kaj la broŝureto pri "Don Kiĥoto kaj Sanĉo Panco" de Marcel Redulez kaj Klodin' Pomirol.