 Ĵaŭdo, Februaro 18, 2021 - 15:34
Rakontaro de Genĝi, Parto I. Sinjorino Murasaki (Murasaki Ŝikibu), Prozo tradukita, Belmonto, 2020. La unua volumo (el kvar) de ĉefverko de la frua japana literaturo kaj unu el la unuaj romanoj en la mondo (11a jc). Akademio Literatura de Esperanto prezentis ĝin: https://www.akademio-literatura.org/arkivoj/433 |
 Sabato, Februaro 13, 2021 - 19:34
Kiel realigi vian strategian vizion per konkretaj agadoj, kadre de projektoj subvenciitaj de EU• Aleks Kadar, Ĝenerala Sekretario de UEA kaj estrarano respondeca pri Eŭropo Karaj Landaj kaj Fakaj Asocioj de UEA en Eŭropo, |
 Vendredo, Februaro 12, 2021 - 14:05
Post pluraj monatoj sen kunordiganto en la Afrika komisiono, la Estraro de UEA aprobis D-ron Elisee Byelongo por kunordigi ĝin. D-ro BYELONGO Elisee ISHELOKE naskiĝis en Demokratia Respubliko Kongo (li estas konata en Esperantujo sub la nomo-formo Elisee Byelongo I.S). Tie li vivis kelkajn jarojn antaŭ ol migri al eksterlando, precipe Burundo, Tanzanio kaj Sud-Afriko (Durbano kaj Kab-urbo). Elisee travivis la kongolandan militon, kiu startis en lia naskiĝurbo en Uvira (Sud-Kivuo) la 24-an de oktobro 1996 kaj la batalon en Burundo en 1993. Pri tio li rakontas en sia libro "Eĥoj el Bembujo : tradicio, rilatoj kun Banjamulengo, la genezo de la milito en DRKongo kaj la diasporo rilate al Esperanto", havebla ĉe UEA. Elisée ankaŭ verkis en sia fako librojn kaj artikolojn, kaj originale en Esperanto alian libron: "Historio de la Esperanto-movado en Sud-Afriko kaj ties periferioj, oma! ĝe al Ax el von Blottnitz". |
 Ĵaŭdo, Februaro 11, 2021 - 10:58
Kun granda ĝojo ni invitas vin al Retoso! |
 Merkredo, Februaro 10, 2021 - 20:37
|
 Dimanĉo, Februaro 7, 2021 - 16:43
• Mireille Grosjean prezidanto de ILEI La elektoj okazos rete kadre de la 54-a ILEI-Kongreso, kiu havos eble renkontiĝon en Kotonuo, Benino, sed havos tutcerte virtualan parton kun komitatkunsidoj. Tiu kongresa semajno komenciĝos la 7-an de aŭgusto 2021. Se vi pripensas pri kontribuo al tiu valora laboro, nepre partoprenu la Duan Forumon de ILEI-gvidantoj, kiu okazos rete sabate la 6-an de marto. La evento aperas en www.eventaservo.org. Okaze de tiu Forumo vi povos ekscii pri la preciza laboro de prezidanto kaj vicprezidanto, du postenoj, kiuj bezonas novan respondeculon. Dua Forumo por ILEI-gvidantoj | Eventa Servo Por demandoj aŭ sinproponoj bonvolu turni vin al la prezidanto de la Elekta Komisiono Aurora Bute Rumanio aura.bute@gmail.com. |
 Ĵaŭdo, Februaro 4, 2021 - 21:25
|
 Ĵaŭdo, Februaro 4, 2021 - 16:11
Alta tajdo kantas "Tero de paco". La tekston verkis Petro Palivoda kaj la muzikon komponis Antero Ávila. |
 Sabato, Januaro 30, 2021 - 19:21
• Guilherme Fians kaj Orlando Raola Organizantoj de EK 2021 La organizantoj alvokas ĉiujn fakulojn, esploristojn kaj aliajn kongresanojn al partopreno en la Esperantologia Konferenco 2021, sub la aŭspicio de Universala Esperanto-Asocio (UEA) kaj de la Centro de Esploro kaj Dokumentado pri Mondaj Lingvaj Problemoj (CED). La 43-a Esperantologia Konferenco okazos kadre de la Kongreso de 2021 - depende de la cirkonstancoj, aŭ en Belfasto aŭ virtuale. Ĉiuokaze, ĝi pritraktos temon aktualan kaj gravan, kiu ankaŭ tuŝas la formaton de la konferenco mem: “Defioj por lingvoj kaj komunikado en mondo virtuale kunligita" La konferenca temo rekte rilatas al la nuna situacio de la mondo - t.e., virtualaj versioj de la Universala Kongreso, Esperanto-renkontiĝoj kiuj pli ofte okazas interrete, juna esperantistaro kiu plifortiĝas pro retaj lingvo-kursoj kaj, pli grave, lingvo-uzado kiu ŝanĝiĝas pro la fakto ke distanco ne same gravas kiam temas pri ne-vidalvida komunikado. Krome, ĉi tiu temo same bonvenigas esploristojn, kiuj analizas ĉeestan komunikadon en mondo ĉiam pli virtuala. |
Rakontaro de Genĝi - aĉetu ĉe la libroservo de UEA: 
