La Rusia Esperantista Unio, landa asocio de Universala Esperanto-Asocio (UEA), organizo en konsulta rilato kun Unuiĝintaj Nacioj, salutas Unuiĝintajn Naciojn kaj ĉiujn parolantojn de la rusa okaze de la Tago de la Rusa Lingvo (ruse: День русского языка), la 6-an de junio 2021. En Rusio oni festas en tiu tago la naskiĝon de la fama ruslingva poeto Aleksandr Puŝkin, el kiu multaj verkoj jam estis tradukitaj al Esperanto.
La rusa lingvo estas la plej vaste parolata slava lingvo kaj la oka plej parolata lingvo en la mondo laŭ http://ethnologue.com. Ĝi estas ankaŭ la dua plej ofta lingvo en enhavoj de Interreto laŭ http://w3techs.com. La rusa lingvo estas unu el la oficialaj lingvoj de Unuiĝintaj Nacioj kaj estas vaste uzata kiel helplingvo en internaciaj rilatoj.

• La Redakcio
Aperis la unua numero de La Kolombo de Paco. Legu, ĝuu, libere kaj aktive diskonigu ĝin al viaj amikoj en Esperantujo!

Elŝutu senpage

De hodiaŭ ĝis la 30-a de junio! UEA kaj Esperanto kaj Libera Scio malfermas la projekton de Esperanta Vikipedio "Unesko 2021" omaĝe al la 75-jariĝo de UNESCO. Ĝi estas reta redakta maratono, kiu okazas ankaŭ kadre de la kampanjo 300 000, simile al la Afrika Monato, kiun ankaŭ UEA apogis en majo. La nuna junia konkurso celas plimultigi la enhavon en Esperanto pri Unesko kaj tiel disvastigi ĝiajn valorojn kaj idealojn. Ĝia formo estas reta artikol-redakta konkurso. Partoprenontoj zorge konsultu la regulojn. Poste kreu aŭ plibonigu artikolojn rilatajn al Unesko kaj aldonu ilin al la listo. La verkado estas ĉefe por helpi al Vikipedio en Esperanto, al libera edukado, al Esperanto, kaj precipe al disvastigo de valoroj kaj idealoj de Unesko. Tamen premioj estas! Al palpeblaj premioj apartenas specialaj insignoj al via uzanto-paĝo kaj jenaj premioj:
- 1-a premio: donackarto valora 60 € + Unesko-libro + Unesko-Kuriero
- 2-a premio: donackarto valora 35 € + Unesko-libro + Unesko-Kuriero
- 3-a premio: donackarto valora 10 € + Unesko-libro + Unesko-Kuriero
- 4-a premio: Unesko-libro
- 5-a premio: Unesko-Kuriero
UEA kaj ELiSo deziras al ĉiuj partoprenantoj sukceson! Antaŭdankon pro via helpo diskonigi tiun novaĵon!
https://eo.wikipedia.org/wiki/Projekto:Unesko_2021

Ateliero – 37. Ĉu ni diskutos esperante kun papago?
Papagoj – la plej parolemaj bestoj. Ili "parolas" diversajn lingvojn. Ĉu iu esploris iam la eblecon de papagoj paroli Esperanton? Ĉu la lernado de Esperanto por ili estas same pli simpla kiel por homoj? Pridiskutante tiujn "seriozajn sciencajn problemojn", ni faldos kelkajn modelojn de papagoj.

La ateliero daŭros ekde la 20.00 ĝis la 21.30 (laŭ la horzono de Francio, t.e. UTC+2) ĉi dimanĉon,
30.05.2021, ligilo por la virtuala ateliero de origamio:
https://us02web.zoom.us/j/85400237948
Kunven-identigilo (Meeting ID): 854 0023 7948
Pasvorto (Password): la nomo de nia kara kaj komuna lingvo per minuskloj

Enhavliste:

P.1 Salutvortoj de la redakcio
P.1. 8-a Afrika Kongreso 2022: Senegalo tenas la torĉon
P.2. Esperanto Plus, nova faka asocio de UEA
P.3. Nova afrika albumo, frukto de transkontinenta kunlaboro
P.4. Internacia Tago de virinoj marte 2021…
P.5. Esperanto-kulturo: ankoraŭ afrika kontribuo
P.5. Bezono de lerno- kaj legomaterialoj en Madagaskaro
P.6. Afrikaj e-istoj kun kovim-19, atestoj de infektitoj
P.7. Togolando renovigas per ĉeesta renkontiĝo
P.8. Forpasis Batangu Mpesa, prezidanto de la konga E-asocio

La bulteno mem estas senpage elŝutebla per https://www.esperanto-afriko.org/Esperanto%20en%20Afriko%20n-ro%2043.pdf

Abonantoj jam povas elŝuti la junian numeron de la revuo "Esperanto". La papera versio baldaŭ estos dissendita: https://uea.org/revuoj

La enhavlisto de la junia numero:
123 | 2-a Virtuala Kongreso de Esperanto: la ĉefa esperantista aranĝo de 2021
126 | La ĉina Esperanto-Movado antaŭ la Dua Mondmilito
128 | Klimato kaj Komerco
129 | Oficiala Informilo

Kajto prezentis la kanton Bela Marieto en la festo de disdono de premioj de la Belartaj Konkursoj de UEA en 2020.
La tekston kaj la melodion komponis Liven Dek. La muzikan aranĝon faris Kajto.