Vendredo, Januaro 8, 2021 - 12:33

Estimataj TEJO-membroj kaj abonantoj de Kontakto,
En la retejo UEA.ORG jam estas elŝutebla la PDF-versio de la revuo Kontakto N 6 (2020).
Por elŝuti la numeron bonvolu viziti retpaĝon https://uea.org/revuoj (unuafojaj venantoj bezonas registriĝi).

Ĵaŭdo, Januaro 7, 2021 - 17:24

Merkredo, Januaro 6, 2021 - 17:02

Aperis la 1-a kaj 2-a parto el 2 de la lernigado de Esperanto per la svahila lingvo, prezentita de D-ro Byelongo Elisee Isheloke surbaze de la lernolibro de prof. Nino Vessella, "Jifunze lugha ya kiesperanto". La instru-sesioj estas registritaj kadre de projekto por faciligi virtualan lernadon de Esperanto por ĉiuj en siaj etnaj lingvoj. La projekto nomiĝas "Esperanto-Kursaro Tibor Sekelj", kiun gvidate de prof. Renato Corsetti iniciatis Irana Esperanto-Asocio (IrEA), kiu malavare ĝin donacis al UEAviva, pro kio UEA sincere dankas.
Ĝis nun estas preparitaj lecionoj por la lingvoj araba, kurda, vietnama kaj la persa. Aliaj lingvoj sekvos. Se ankaŭ vi deziras instrui Esperanton virtuale per via etna lingvo bv. kontakti al kursaro.sekelj@gmail.com.

Mardo, Januaro 5, 2021 - 13:37


Ĉu vi volas komenci 2021 per ĝojiga novaĵo? La turisma oficejo de la urbo Torino, kiu gastigos nian Universalan Kongreson en 2023, verkis gazetaran komunikon por disanonci la eventon. Ilia celdato ja estis la 1-a de januaro, sed unu tagĵurnalo volis ĝin havi kiel ekskluzivan novaĵon. Tial jam en la 30-a de decembro aperis artikolo ĉe tagĵurnalo “Corriere della Sera”, la plej grava ĵurnalo en Italio, en la torina eldono. Danke al malavara kunlaboro de Michela Lipari, ni aldonas tradukon. Ni gratulas la italojn kaj antaŭgratulas pro tio, ke pliaj disanoncoj sekvos.
Corriere della Sera: La Universala Kongreso de Esperanto en Torino en 2023
Gaspardone: “Signo de reaktiviĝo dum kompleksa periodo”. Sed 7 hoteloj el 10 fermatas Kristnaske.
Estos Torino la sidejo de la 108-a monda kongreso de Esperanto, la internacia lingvo ideita de la pola kuracisto Ludwik Zamenhof por faciligi la komunikadon inter la popoloj. La sama idiomo, kiun ingeniero Giorgio Rosa estus volinta por sia Insulo de la Rozoj kiel Netflix instruantas al ni dum tiuj ĉi vesperoj. La evento daŭros unu semajnon, de la 29-a de julio ĝis la 5-a de aŭgusto 2023, kaj venigos al la urbo pli ol 2000 literaturistoj kaj esploristoj, gastigataj en la salonoj de Politekniko.

Vendredo, Januaro 1, 2021 - 16:00

Duncan Charters

Nova jaro, novaj lecionoj, novaj es­peroj. Kion esperigan alportos 2021 por UEA kaj nia mondo? Dum 2020, la pandemio kaj rilataj ekonomiaj krizoj skue unuigis la mondon kaj samtempe klare vidigis la profundajn breĉojn ki­uj daŭre dividas la homaron. Ni ĉi­uj devis pli profunde pensi pri niaj per­sonaj sekureco kaj estonteco, pri kiel efikas niaj agoj sur aliajn individuojn, konatajn kaj nekonatajn, kaj kian res­pondecon ni prenu por konservi por es­tontaj generacioj la stabilecon de nia planedo. Ĉu nia destino estas simple observi, studi, konstati malprogreson en akcepteblaj vivkondiĉoj por gran­daj partoj de la terloĝantaro, perdon de bestaj kaj plantaj specioj, kulturoj, lingvoj? Ĉu pliakriĝo de rasaj, gentaj, religiaj kaj vivstilaj antaŭjuĝoj aten­cas niajn vividealojn? Aŭ ĉu tiuj tenden­­coj devis pli klare vidiĝi por ke ni kon­sciu ke necesas pli aktiva sindediĉo por ilin alfronti? Kiel aspektus “fina venko” por nia mondo, se ni sukcesus iom post iom repuŝi tiujn tajdojn?

Sabato, Decembro 26, 2020 - 21:04

Amri Wandel

Estimataj membroj kaj kunlaborantoj de AIS,

La jaro 2020 restos en ĉies memoro kiel la jaro de la Pandemio, la plej severa en jarcento, sed ankaŭ la plej science sekvata, esplorata kaj espereble – venkata per rekorde rapida evoluigo de novspeca (mRNA) efika vakcino.

Ĉe AIS la koronviruso havis du gravajn efikojn: unue oni nuligis la GEA-IFEF-PEA kongreson, en majo, en kies kadro devus okazi SUS37. Due la 73-a sesio de la Internacia Kongresa Universitato (IKU) okazis unuafoje defore, kadre de la Virtuala Kongreso (VK), al kiu aliĝis ĉ. dumil personoj el pli ol 90 landoj. Unuafoje okazis virtualaj ekzamenoj fine de la IKU-AIS kursoj, kaj unufoje la IKU-AIS-libro aperis rete anstataŭ ol papere kaj estis senpage elŝutebla (eblas tamen mendi paperan ekzempleron ĉe la redaktoroj, eldonejo Impeto aŭ mi). Ene de du semajnoj elŝutoj ĝin senprecredenca nombro de pli ol 2500 personoj.

Post la Solena Malfermo de la VK okazis la tradicia IKU-Inaŭguro. Mi prezentis koncizan historion de IKU kaj AIS. Fine mi prezentis la IKU-AIS libron: la kolekto de tekstoj de la IKU-AIS prelegoj, eldonata ĉiujare ekde 1998. Preskaŭ ĉiuj IKU-libroj, inkluzive la ĉi-jara estas haveblaj en la IKU-paĝo de UEA: https://uea.org/teko/IKU/.

Ĵaŭdo, Decembro 24, 2020 - 15:48

Eĉ se la UK-2020 en Montrealo ne okazis pro la pandemio kaj estas movita al 2022, la Montreala LKK eldonis belan kaj inspiran memoraĵon de tiu ĉi jaro: la Poŝtkarton kaj Poŝtmarkon de Espero. Havu la vian kiel donaceton al vi aŭ viaj amikoj por la jarfinaj festoj!

Sur la antaŭo de la poŝtkarto aperas la vortoj “2022: Montrealo atendas vin”, kun la ĉielarko kaj la ĉiellinio de Montrealo. Dorsoflanke troviĝas la inspira citaĵo de Zamenhof: “Nur rekte, kuraĝe kaj neflankiĝante ni iru la vojon celitan!” “Tiu ĉi frazo inspiris, nin, la montrealanojn, kaj espereble inspiros ĉiujn esperantistojn”, diras Ĵenja Amis, la sekretario de la Montreala LKK, kiu dezajnis la poŝtkarton. “Mi aparte ŝatas skribi la nomojn kaj la adresojn de homoj, al kiuj iros la poŝtkarto, sur la ĉielarkaj adreslinioj de la karto”, aldonas Ĵenja. Sur la poŝtkarto (ankaŭ dezajnita de Ĵenja) aperas ĉielarko kaj la fama frazo: “Ĉio iros bone”.

Sabato, Decembro 19, 2020 - 18:38


Por la 108-a Universala Kongreso (UK), post tri jaroj, la Estraro de UEA unuanime elektis Italion kiel kongreslandon. La kvaran fojon UK okazos en Italio. La gastiga urbo, Torino, estis la unua ĉefurbo de Italio (1861-1865). Urbo en kiu kunfandiĝas la itala kaj la franca etoso, kie aktivis gravaj intelektuloj kiel Norberto Bobbio, Italo Calvino, Clelia Conterno Guglielminetti, Natalia Ginzburg, Primo Levi, Cesare Pavese kaj Elio Vittorini, kaj en kies universitato longtempe profesiis Giorgio Canuto, iama prezidanto de UEA.

Post la dua mondmilito Torino estis celo de multnombraj suditalaj enmigrintoj, allogitaj de la grandaj fabrikoj, kio donis al la urbo ŝancon malfermiĝi, akcepti kaj helpi al bezonantaj eksteruloj. Tiurilate, aparte grava estis la aŭtomobila fabriko FIAT, kie deĵoris Ursula kaj Giuseppe Grattapaglia, dank’ al kiuj la fabriko eldonis kelkajn broŝurojn kaj mallongajn filmetojn en Esperanto, por diskonigi la urbon kaj la novajn aŭtojn.

Merkredo, Decembro 16, 2020 - 02:43

Abonantoj jam povas elŝuti la januaran numeron de la revuo "Esperanto". La papera versio baldaŭ estos dissendita: https://uea.org/revuoj

La enhavlisto de la januara numero:
3 | Novjara mesaĝo de la prezidanto de UEA
6 | Esperanto en universitatoj: La 2-a Kuratora Konkurso por la Esperanto-Muzeo
7 | Kongresa Komuniko 1
8 | Intervjuo: Intervjuo kun Camilla Peruch
9 | Kulturo: Simbolo kaj ĝia sugesta forto
10 | AMO 2020 – de Aŭklando ĝis retlando
12 | Novaĵoj pri la KER-ekzamenoj

Paĝoj