Jen "Norda Vento" (Viento del Norte), en tre speciala versio kantita de Feri Floro. Ĝi estas la duonoficiala himno de Kantabrio (Cantabria), la subŝtato de Hispanio en kiu okazis la 80-a Hispana Kongreso de Esperanto, de la 29-a de aprilo ĝis la 3-a de majo de 2022. La kanto estis prezentita en la inaŭguro, kiun ĉeestis la Urbestrino de Comillas, María Teresa Noceda. La kanton verkis Nando kaj Sergio Agüeros, kaj ĝin tradukis Liven Dek.

UEA 114-jara: ni volas diri dankon! Al ĉiuj niaj membroj kaj al ĉiuj esperantistoj, kiuj sincere laboras por pli justa, pli bona mondo. Ni fieras labori por Esperanto kun nelacigebla espero, ke inter la homoj regos solidareco kaj dialogado. Hodiaŭ ni bondeziras kuraĝon kaj bonan laboron al ĉiuj esperantistaj aktivuloj en la mondo! UEA estas vi.

Abonantoj jam povas elŝuti la majan numeron de la revuo "Esperanto". La papera versio baldaŭ estos dissendita: https://uea.org/revuoj
La enhavlisto de la maja numero:
99 | Vojaĝo en Esperanton: Yves Desrosiers muzike kaj ekmovaden
101 | Informado: Kroata TV pri la datreveno de la morto de L. L. Zamenhof
102 | Opinio: Niaj malpacaj batalantoj
103 | Oficiala Informilo

La Antaŭkongresa Ekskurso de la 107-a Universala Kongreso en Montrealo (2-5 aŭgusto 2022) komenciĝos en Toronto, la plej granda kanada urbo! Kongresanoj i.a. vizitos la faman Turon CN, la plej altan en la lando (553 metrojn!) kaj krozpromenos inter insuloj de la lago Ontario. Garantiu vian partoprenon, mendu ĝis 25 aprilo 2022: https://uea.org/kongresoj/mendilo
Ĉiuj detaloj en la Dua Bulteno: https://uea.org/kongresoj

La Antaŭkongresa Ekskurso de la 107-a Universala Kongreso en Montrealo okazos inter la 2-a kaj 5-a de aŭgusto 2022 kaj irigos kongresanojn i.a. al la Akvofaloj de Niagaro. Oni boatos antaŭ la akvofalegon kaj poste sekvos al Montrealo per la sama vojo, kiun faris Zamenhof en 1910! Por garantii vian partoprenon, mendu ĝin ĝis la 25-a de aprilo 2022: https://uea.org/kongresoj/mendilo
Detaloj en la Dua Bulteno ĉe https://uea.org/kongresoj

Aperis la Dua Bulteno de la 107-a Universala Kongreso en Montrealo, Kanado. Vi povas elŝuti ĝin en le retejo de UEA:
https://uea.org/kongresoj

Hieraŭ, la 14-an de aprilo, markiĝis 105 jaroj de la forpaso de L. L. Zamenhof, iniciatinto de Esperanto, 1-a honora prezidanto de UEA. Ernest Drezen (1892-1937) en verko pri li primemoras la naskiĝon de esperantismo per la famaj versoj "Malamikeco de la nacioj / Falu, falu, jam venis tempo", konkludante, ke "per sia lingvo-verko" Zamenhof konstruis "neforigeblan monumenton" en la historio de la homaro. Tia konscio estu nia inspiro en laboro paca neniam laciĝi.