UEA

La programo de Aktivula Maturigo sukcese transigis sin al virtualaj realigoj. Gravas rigardi antaŭen. La planoj por AMO 64 v (vidu EKO 17) bone progresas kaj survojas al ampleksigo. Informoj sekvos tuj kiam eble. Ni devas imagi, ke vojaĝaj limigoj esence restos tra la sekvaj monatoj. La suba plano estas ege malcerta, sed pli bone ia plano ol nenio. Ĝi eblas nur dank’ al la rapidega kaj pozitiva reagado de ILEI kaj niaj pliaj delongaj kontaktoj. Jen skemo, kiun ni imagas kaj laboregos realigi:

* * *
AMO 64 v: majo 9: programo ekzistas, teĥnika realigo dank’ al Irano.

AMO 65 v: en junio aŭ frua julio, teĥnika realiganto serĉata. Kontribuantoj ne mankos.

https://www.youtube.com/watch?v=4YfQ8LWwQBA
Prezidanto de UEA Duncan Charters salutas membrojn kaj ĉiujn samideanojn tra la tuta mondo per mesaĝo de kuraĝo kaj espero. Ni kondolencu kaj kompatu familiojn de karaj esperantistoj rekte trafitaj de la nuntempa sankrizo. Samtempe ni konsciu, ke la mondo bezonas ĉiam pli nian kontribuon al ĝia bonfarto. Kial kuraĝo kaj espero? Spektu la filmon de Duncan Charters. Ĉion bonan al ĉiu el vi!

Virtuala evento por kompensi la nuligon de la 52-a ĉeesta MT

Informo: https://eventaservo.org/

PROGRAMO (roterdama tempo)

Gastlibro (subskribu nur dum la 25-a de aprilo!)

Per YouTube - premierontaj prelegoj: ludlisto de la Malferma Tago - Aprilo 2020

Post la brila sukceso kaj kvalito de AMO 63 v, organizita kunlabore kun nia irana Landa Asocio, ni progresas plenenergie por starigi la 64-an seminarion (same virtualan), por eluzi la aparte menditan amas-aliron al Zomo, kiun plenumis niaj iranaj kolegoj. Jen informoj pri la sekva seminario:
Temo: Niaj fakaj asocioj levas sin.
Dato: sabato la 9an de majo.
Horoj: decidotaj, laŭ la nombro kaj loĝloko de partoprenantoj. Kredeble ekde 15.00h irana tempo.
La teknika bazo: Irano (kies abono ĉe Zomo finiĝas en la 10a de majo).
Kontribuantoj: varbataj laŭ striktaj kondiĉoj:

• 45-minutaj sesioj: maks. 30 min. por prezento, la cetero por demandoj.
• Anticipa livero de la prezentaĵa materialo aŭ minimue resuma teksto.
• Aliro al Zomo.

La 52-a Malferma Tago planita por la 25-a de aprilo okazos virtuale! La programo estos baldaŭ anoncita per aparta komuniko kaj ĝisdatigita ĉe http://eventaservo.org/e/mt52

UEA informas, ke aldone al la libera elŝuteblo de la n-ro 4/2020 de Esperanto (per http://uea.org/revuo) ankaŭ eblas libere elŝuti ĉiujn jarkolektojn kaj numerojn de pli ol antaŭ unu jaro disponeblajn en la retejo de UEA.

La retejo nuntempe provizas la jarkolektojn ekde 2002. Trovu ilin ĉe http://uea.org/revuoj/esperanto. Por elŝuti la liberajn numerojn oni devas musklaki la butonon “Elŝutu la numeron”. Ne necesas ensaluti por numeroj de pli ol antaŭ unu jaro: tuj post la musklako la retejo postulos nur kontrolkodon por permesi al vi elŝuti la elektitan numeron. Por la Jarkolekto 2019 elŝuteblas nuntempe de la januara ĝis la marta numero. Por la jarkolekto 2020 eblas elŝuti la aprilan numeron de 2020: http://uea.org/revuoj (libere, sen la postulo ensaluti aŭ entajpi kontrolkodon).

UEA esperas, ke ĉiuj bone fartas. La sano de la kongresanoj kaj de ĉiuj homoj estas por ni la plej alta prioritato. Post zorga konsiderado de ĉiuj aspektoj de la koronvirusa tutmonda epidemio kaj ĝiaj sekvoj, la Estraro de UEA, la Centra Oficejo, LKK kaj la kongresejo en Montrealo venis al la konkludo, ke tute ne estus sekure kaj prudente okazigi la UK-on en Montrealo en 2020. Cetere, laŭ la novaj pli striktaj reguloj de la kebekia registaro, je nia granda bedaŭro en 2020 ne eblos okazigi Universalan Kongreson de Esperanto.

Pro tio la Estraro de UEA unuanime decidis prokrasti la Universalan Kongreson en Montrealo al la jaro 2022.

Ni kore dankas al la Loka Kongresa Komitato (LKK), kiu dum jaroj obstine laboris por organizi la Kongreson kaj pretas daŭrigi la laborojn por la UK en Montrealo en la jaro 2022.

Ĉiu aliĝinto estis rekte informita de la Kongresa Fako de UEA rilate la prokraston al 2022, la aŭtomatan nuligon de mendoj kaj la repagojn.

Por ke la esperantistoj tamen havu la okazon sperti grandan internacian aranĝon en tiu ĉi jaro, estas planata virtuala evento en la monatoj julio-aŭgusto, kiun povos partopreni ankaŭ tiuj, kiuj ne planis veni al Montrealo.

El la Gazetaraj Komunikoj