UEA

En la retejo https://uea.org/revuoj/esperanto estas senpage elŝutebla la aprila numero de la revuo Esperanto, la plej renoma periodaĵo en Esperantujo, aperanta jam la 113-an jaron. La numero estas la 4-a en la jarkolekto 2020.

En la retejo https://revuoesperanto.org estas senpage elŝutebla la novembra numero de la revuo Esperanto, la plej renoma periodaĵo en Esperantujo, aperanta jam la 112-an jaron. La numero estas la 10-a en la jarkolekto 2019.

Antaŭnelonge UEA anoncis filmo-konkurson “Mia Asocio, Mia Urbo”, por diskonigi Esperanto-asociojn kaj lokajn kulturaĵojn. UEA decidis disdoni 100 eŭrojn kiel subvencion por ĉiu el la unuaj ricevitaj 10 filmoj, kaj ĉiuj filmoj kolektitaj havas ŝancon gajni premiojn ĝis 500 eŭroj. Bonvolu disvastigi la anoncon.

• Luis Obando,
ordiganto de UEA pri la voĉlegado de la revuo Esperanto

Pretas la voĉlegita novembra numero de la revuo Esperanto.
La tekstoj estas legitaj de volontuloj de pluraj landoj por vidhandikapitoj kaj eventuale estas uzindaj ankaŭ por plibonigi aŭskultan komprenon de Esperanto.
Ĝuu https://uea.org/revuoj/sono

Vi povas senpage elŝuti ĝin ĉi tie: https://uea.org/revuoj

Okaze de la Tago de Unuiĝintaj Nacioj 2019, la mondo frontas defiojn daŭre kreskantajn – ekde la klimata krizo ĝis la daŭra kaj eĉ intensiĝanta malpaco en multaj mondopartoj. Kaj Unuiĝintaj Nacioj mem estas minacata de financa krizo kaŭzita de la rezisto de multaj membraj ŝtatoj al ĝustatempa kaj plena pagado de siaj porcioj de la kostoj.

Se iam estis tempo kiam la popoloj de la tuta mondo alpaŝu Unuiĝintajn Naciojn por esprimi sian apogon, tiu tempo estas hodiaŭ.

Sallagurbo (Salt Lake City), Usono, akceptis la 68-an Konferencon de Unuiĝintaj Nacioj (UN) pri Civila Socio de la 26-a ĝis la 28-a de aŭgusto 2019, kaj Universala Esperanto-Asocio (UEA) povis kalkuli je grava reprezento kaj aktiva partopreno en ĝi: la prezidanto de UEA, Duncan Charters, persone ĉeestis la konferencon kaj gvidis la atelieron "Ĉu sufiĉas la angla? Aŭskulti la multajn voĉojn de la mondo", antaŭe akceptita por prezento en la konferenco. Krom D-ro Charters, parolis ankaŭ la estrarano de Esperantic Studies Foundation Anna Bennett, du reprezentantoj de Tutmonda Esperantista Junulara Organizo (TEJO), Hans Becklin kaj Marcus Griep, kaj la reprezentanto de UEA ĉe Unesko, Renée Triolle.

Louis-Christophe (Ludoviko Kristoforo) ZALESKI-ZAMENHOF (naskiĝis la 23-an de januaro 1925 en Varsovio, mortis la 9-an de oktobro 2019 en Parizo) estis doktoro inĝeniero pri surlanda kaj enmara konstruado, aparte pri premŝtalbetono, nepo de L. L. Zamenhof. Li estis filo de Adam Zamenhof kaj Wanda Zamenhof, naskita Frenkiel; la personan nomon li ricevis honore al sia avo, Ludoviko Zamenhof, la kreinto de Esperanto. Li estis Honora Membro de UEA.