La Esperantologia Konferenco (EK) estas konstanta programero de la Universala Kongreso de Esperanto (UK). La unua EK okazis en la 63-a UK en Varno (Bulgario) en 1978, prezidata de Detlev Blanke. Ĝin prizorgas la Centro por Esploro kaj Dokumentado pri Mondaj Lingvaj Problemoj (CED), institucio de UEA, kiu en 2022 festos la 70-jariĝon de sia fondiĝo.

La organizantoj de la 44-a EK estas Guilherme Fians kaj Mark Fettes, respektive estrarano kaj direktoro de CED, kiuj alvokas ĉiujn fakulojn, esploristojn kaj aliajn kongresanojn al partopreno en la Konferenco, okazonta la 11-an de aŭgusto 2022, ĵaŭdon, kadre de la 107-a UK en Montrealo (6-13 aŭgusto 2022).

La 44-a EK estos hibrida, ebligante partoprenon rete kaj ĉeeste, kaj havos specialan programon por festi la 70-an jariĝon de CED, fokusiĝante je la temo “CED 70-jara: bilanco pri la kontribuoj de Esperantologio al sociaj, politikaj kaj lingvistikaj fakdebatoj”. La konferenco celas pritrakti ne nur la agadon de CED tra la tempo, sed ankaŭ kiel la kampoj Interlingvistiko kaj Esperantologio ŝanĝiĝis dum tiuj 70 jaroj. Kiam Ivo Lapenna fondis CED en 1952, ĝia rolo estis ĉefe altigi la reputacion kaj videblon de Esperanto, liverante faktojn kaj argumentojn, kiuj vekus intereson, respekton kaj esploremon pri ĝi inter fakuloj kaj en influhavaj medioj. Kiel CED povas plenumi tiujn kaj aliajn rolojn nuntempe? Kiel statas Esperanto kiel studobjekto inter esploristoj en la dudek-unua jarcento?

Pro pandemiaj obstakloj, ĉi-jare la Dua Bulteno de Universala Kongreso en Montrealo aperos iom pli malfrue - fine de februaro. Vin atendos pluraj utilaj informoj pri loĝado, antaŭ- kaj postkongresoj kaj pluraj aliaj!
Eksciu pli pri la ĉi-jara Universala Kongreso de Esperanto kaj aliĝu ĉe http://uea.org/kongresoj

UEA kore invitas ĉiujn esperantistojn libere elŝuti kaj legi la unuan numeron de la revuo Esperanto el la jarkolekto 2022:
https://uea.org/revuoj/esperanto/2022?enhavo=Januara22Reta.pdf

Tradicia programero de la Universalaj Kongresoj, kiam la redaktoroj de la revuo "Esperanto" renkontiĝas kun la legantoj - kaj la legantoj prezentas demandojn kaj proponojn.
Tiu prezento estis pretigita okaze de la 2-a Virtuala Kongreso de Esperanto (VK), okazinta en julio 2021.

Universala Esperanto-Asocio funebras sian eksan Ĝeneralan Direktoron Simo Milojević, kiu forpasis la 3-an de februaro 2022 en la aĝo de 85 jaroj en Trebinje (Respubliko Serba, Bosnio kaj Hercegovino). Li naskiĝis la 14-an de decembro 1936 en Kunja Glavica, Trebinje. Milojevic studis komparan literaturon en Beogrado kaj fariĝis ĵurnalisto.

Li esperantistiĝis fine de 1956. Sian “Esperanto-karieron” li ekis kiel surloka aganto. Poste li fariĝis sekretario de Jugoslavia Esperantista Junulara Asocio kaj de Jugoslavia Esperanto-Instituto. En 1963 li estis ĉefredaktoro de "Jugoslavia esperantisto", poste de "La suda stelo" (1964, 1967-69). Kiel komisiito de UEA li restadis pli ol jaron (1960-61) en Hinda Unio kaj Nepalo por instrui Esperanton.

"La lasta rozo" estas irlanda kanto, kies Esperanto-version preparis la Internacia Koruso sub gvido de Zdravka Boytcheva. La koruso, kiu estas oficiala elemento de la Universalaj Kongresoj, dediĉis ĝin al la forpasintaj gesamideanoj dum la lastaj jaroj ĉu aŭ ne pro KOVIM-19. Ĝi estis ludita okaze de la fermo de la 2-a Virtuala Kongreso de Esperanto en julio 2021, anstataŭinta la 106-an Universalan Kongreson, kiu okazus en Belfasto, Nord-Irlando.

Okaze de la ĉi-jara Darwin-tago (12a de februaro), ni ofertas dum la tuta februaro la epokfaran La Origino de Specioj kun sesona rabato sendepende de la mendata kvanto:
https://katalogo.uea.org/?inf=8215