UEA

• Luis Obando,
respondeculo pri la projekto

Saluton karaj samideanoj!
Pretas la voĉlegita maja numero de la revuo Esperanto
La tekstoj estas legitaj de volontuloj de pluraj landoj por vidhandikapitoj kaj eventuale estas uzindaj ankaŭ por plibonigi aŭskultan komprenon de Esperanto.
Ĝuu!

La abonantoj povas aŭskulti ĝin en la retejo de UEA:
https://uea.org/revuoj/sono/

SPECIALA OFERTO! Pro la 70-jariĝo, la 9-an de majo 2020, de la deklaro de Robert Schuman, tiama franca ministro, kiu kondukis al tio, kio nun estas Eŭropa Unio, la Libroservo de UEA proponas:

Dum la tuta monato majo aĉetu "Brilu ĉiu lingvo samrajte!" kun sesona rabato sendepende de kvanto!
https://katalogo.uea.org/?inf=6534

Temas pri eseo aperinta okaze de la Eŭropa Jaro de Lingvoj, jam tradukita en almenaŭ ok lingvojn. Bonan legadon!

Elŝuti pdf

Ĉi tiu retejo servas al la bezonoj de niaj aktivuloj. Sekve ĝi estas plejparte Esperanto-lingva kaj koncentriĝas je agadoj, interalie tiuj, kiujn motoras estraranoj. Komence la retejo prizorgas ĉefe unudirektan informo-donadon, sed la perspektiva celo estas enkonduki rimedojn por permesi dudirektajn dialogojn kaj enplekton de pli vasta gamo de aktivuloj.
http://aktivulo.net

Voĉlegitajn tekstojn de la aprila numero de la revuo Esperanto vi povas senpage aŭskulti ĉe Jutubo.

La aliaj voĉlegitaj numeroj de la revuo Esperanto estas en la retejo de UEA - https://uea.org/revuoj/esperanto. La tekstoj estas legitaj de volontuloj de pluraj landoj kaj eventuale estas uzeblaj ankaŭ por plibonigi aŭskultan komprenon de Esperanto.

La programo de Aktivula Maturigo sukcese transigis sin al virtualaj realigoj. Gravas rigardi antaŭen. La planoj por AMO 64 v (vidu EKO 17) bone progresas kaj survojas al ampleksigo. Informoj sekvos tuj kiam eble. Ni devas imagi, ke vojaĝaj limigoj esence restos tra la sekvaj monatoj. La suba plano estas ege malcerta, sed pli bone ia plano ol nenio. Ĝi eblas nur dank’ al la rapidega kaj pozitiva reagado de ILEI kaj niaj pliaj delongaj kontaktoj. Jen skemo, kiun ni imagas kaj laboregos realigi:

* * *
AMO 64 v: majo 9: programo ekzistas, teĥnika realigo dank’ al Irano.

AMO 65 v: en junio aŭ frua julio, teĥnika realiganto serĉata. Kontribuantoj ne mankos.

https://www.youtube.com/watch?v=4YfQ8LWwQBA
Prezidanto de UEA Duncan Charters salutas membrojn kaj ĉiujn samideanojn tra la tuta mondo per mesaĝo de kuraĝo kaj espero. Ni kondolencu kaj kompatu familiojn de karaj esperantistoj rekte trafitaj de la nuntempa sankrizo. Samtempe ni konsciu, ke la mondo bezonas ĉiam pli nian kontribuon al ĝia bonfarto. Kial kuraĝo kaj espero? Spektu la filmon de Duncan Charters. Ĉion bonan al ĉiu el vi!