Okaze de la ĉi-jara Darwin-tago (12a de februaro), ni ofertas dum la tuta februaro la epokfaran La Origino de Specioj kun sesona rabato sendepende de la mendata kvanto:
https://katalogo.uea.org/?inf=8215

Jam 400 partoprenontoj aliĝis al la 107-a Universala Kongreso en Montrealo, Kanado! Eksciu pli pri la ĉi-jara Universala Kongreso de Esperanto kaj aliĝu ĉe http://uea.org/kongresoj!

Okaze de la nova luna jaro UEA bondeziras al ĉiuj homoj en la mondo - esperantistoj, familianoj kaj amikoj - sanon, bonŝancon kaj prosperon aldone al amo, paco kaj espero. En tiu Jaro de la Tigro kiel tigroj ni iru la vojon, fidoplenaj kaj obstinaj pri tio, kion ni komprenas valora por la homaro kaj la planedo. Al ĉiuj feliĉon!

La 29-a de januaro estas naskiĝtago de Lidia Zamenhof (1904-1942). Plej juna el la tri gefiloj de L. L. Zamenhof, ŝi spertis la du mondmilitojn, la duan kiel fatala viktimo: en ŝia naskiĝtago de 1940 estis murdita de la naziistoj la frato Adamo; en 1942, antaŭ 80 jaroj, ili murdis ŝin, la fratinon Zofia kaj la onklinon Ida. Malgraŭ sufero de neakcepteblaj perfortoj, ŝi neniam malkredis ĝis la morto pri la espero je paca mondo, je justa estonteco por la homaro. Omaĝe al tiu virino, kiun ĉiu esperantisto devus koni, la #LibroservodeUEA rekomendas "Por ke la tagoj de la homaro estu pli lumaj" (429 p., 21 cm): https://katalogo.uea.org/index.php?inf=8214 - ŝia kunigita originala verkaro, kiu estas kiel sentima arda prediko por ke la esperantistoj estu ankaŭ agantoj kontraŭ rasismo kaj ideologioj, kiuj naskas inter homoj malamon kaj malpacon. Ni lernu de Lidia neniam malkuraĝi kaj daŭrigi la revojn de niaj antaŭuloj, inter ili ŝia patro, iniciatinto de Esperanto.

Aro tria da grafike prezentitaj ŝercoj.

Petro Palivoda recitas sian poemojn "Muziko de via anim' " kaj Violonisto.

Okaze de la Monda Tago de la Afrika kaj Afrikdevena Kulturo, la 24-an de januaro 2022, la afrikaj esperantistoj pere de la Afrika Komisiono de Universala Esperanto-Asocio (UEA) deklaras sian senrezervan subtenon al ĉi tiu tago starigita de Unesko en 2019 kaj al ĝiaj celoj, kiuj estas gravaj kaj por Afriko mem kaj por la mondo, kie vivas konsiderinda kvanto da afrikdevenaj homoj.

La temo de ĉi tiu tago estas grava por la tuta mondo, ĉar ĝi volas substreki la homajn valorojn de la afrika kulturo, kiuj povas pozitive efiki ankaŭ ekster nia kontinento. Ni kiel afrikaj esperantistoj kaj aparte kiel Afrika Komisiono de UEA alte taksas tiun agadon kaj provas disvastigi nian afrikan kulturon al la tuta mondo pere de la internacia lingvo Esperanto, kiu mem estas ilo por egalaj rilatoj inter la popoloj de la mondo por atingi interkonatiĝon kaj pacon.