Kulturo

La Vojo (Jo Haazen, L.L. Zamenhof). Soprano: Ekaterina Krasko, Piano: Tomoko Aikawa.

Antonio Valén recitas siajn du poemojn "Floron puran" kaj "Grandurba mateniĝo", por la "Galerio de gepoetoj". La poemoj aperis en la 25a numero de Beletra Almanako (2016).
Tajperaro en la subteksto: "nur sian korpon mi sensas" estu "nur ŝian korpon mi sensas".

"Muziko de via anim' " estas kanto komponita de Antero Ávila surbaze de teksto de Petro Palivoda. Kantas Grinoalda kaj Maria Ávila.

Tatjana Auderskaja recitas sian poemon "Natura evoluo", kiu aperis en la 26-a volumo de Beletra Almanako.

La 17-a de decembro 2021 markas la 100-jariĝon de la forpaso de Gabriela Zapolska (1857-1921). Ŝia "La moralo de S-ino Dulska" estas la hodiaŭa speciala propono de la #LibroservodeUEA, vera marko en la frua modernisma pola dramo. Se vi interesiĝas, ĝi akireblas en #Esperanto ĉe https://katalogo.uea.org/index.php?inf=9940.

Se vi emas al Vikipedio, vi bonvenas krei la version en Esperanto pri ŝi, kiu ankoraŭ ne ekzistas: https://eo.wikipedia.org/wiki/Gabriela_Zapolska

La 12-a de decembro markis la 200-an naskiĝtagon de Gustave Flaubert, konata kiel la plej granda stilisto de la franca literaturo. La Libroservo de UEA ofertas "La Legendo de Sankta Juliano Helpema", en traduko de Hector Hodler (https://katalogo.uea.org/katalogo.php?inf=3819) kaj "Simpla koro/Herodiasa", en tradukoj de L. Bourgois/P. Combot (https://katalogo.uea.org/katalogo.php?inf=3525).

Ni kuraĝigas akiri la verkaĵojn kaj antaŭdeziras bonan legadon!

Miguel Fernández deklamas sian poemon "Klimatŝanĝo. Alispeca pluvo" (aperinta en Beletra Almanako - 36), en la Virtuala Esperanto-Konferenco de ILEI en 2020.

Tiu prezento estis pretigita okaze de la 2-a Virtuala Kongreso de Esperanto (VK), okazinta en julio 2021.