Nederlanda Esperanto-Junularo (Nederlandse Esperanto Jongeren) aperis en granda artikolo en la lingva magazino Onze Taal.
Ĉirkaŭ 24 mil membroj de la asocio Onze Taal ricevas ĝin.

Unu el la tradiciaj eroj de la Universalaj Kongresoj estas la bankedo. Estas facile konstati, ke kunmanĝado estas unu el la plej bazaj kaj unuecigaj manieroj kunesti por homoj de ĉiuj kulturoj, de ĉiuj anguloj de la planedo kaj tra ĉiuj historiaj epokoj de la homara evoluo. Sed en la jaro 2020 ni alfrontas la eksterordinaran defion kreitan de pandemio, kiu aparte limigas la eblecon kunesti kaj kunmanĝi. La organizantoj de tiuj ĉi eventoj decidis trovi kreeman manieron festi nian homecon kaj festeni en la Virtuala Kongreso de Esperanto (VK): vk.mondafest.net/. UEA invitas vin ĉiujn partopreni la aranĝon “Kunmanĝado tra la Mondo”, okazontan la 5-an de aŭgusto, merkredon, 16:00-18:00 UTC.

TEJO havas novan prezidanton: Charlotte Scherping Larsson!
Charlotte jam multe aktivis en TEJO: ŝi estis estrarano, Ĝenerala Sekretario, trejnisto, komitatano Ĉ, kaj estis aktiva en multaj Erasmus+ projektoj. Nun ŝi pretas esti entuziasma kaj laborema prezidanto. Gratulojn kaj bonan laboron!

Aperis provizora programo de la VEKI (Virtuala Esperanto-konferenco ILEI) 25-a ĝis 31-a de julio 2020.

Prezento de Esperanto-Ligo Filatelista/Amika Rondo de Esperantaj Kolektantoj (ELF/AREK) partnere Kun Esperanto-Numismatika Asocio (ENA) por la Virtuala Movada Foiro (ViMF).
Virtuala Kongreso de Esperanto (VK): https://vk.mondafest.net

• Ralph Glomp

Saluton karaj, mi sentas min ekscitita, ĉar ILEI akceptis mian koncerton ĉe VEKI - La 53-a Virtuala Esperanto-Konferenco ILEI 2020 (aliĝo eblas je https://veki.ilei.info/). Do, mi koncertos (antaŭe registrite, sed tamen vive kantita) dimanĉe 26-an de julio je la 7-a horo UTC+2. Mia spektaklo nomiĝas "El rememoroj de idealisto" laŭ rakonto de Anton Ĉeĥov, kiu nun havus 160 jarojn, samkiel Ludoviko Zamenhof. La rakonto estas de la libro "Ĉeriza ĝardeno" de Eldonejo Sezonoj, Kaliningrado, kun afabla permeso de Aleksander Korĵenkov (traduko Viktor Kudrjavcev). Bonvolu ĉeesti, karaj samideanoj. Dankon.

.
Kiel parto de la Virtuala Kongreso okazanta en la kadro de la Monda Festivalo de Esperanto 2020, denove okazos Oratora Konkurso por la junularo.

La konkurso okazos en du sesioj:

• elimina sesio: malferma al ĉiuj partoprenantoj, ĝi okazos ĵaŭdon, la 30-an de julio, 11:00-16:00 UTC.

• fina sesio: la kvin plej elstaraj konkursantoj revenos sur la virtualan scenejon denove merkredon, la 5-an de aŭgusto, de la 15:00 ĝis la 16:00 UTC, por decidi la tri premiotojn.