Robert Swenson (30.10.1937 – 11.12.2022)
Robert Swenson forpasis la 11-an de decembro 2022 en la aĝo de 85 jaroj. Dumviva Membro de UEA, multjara membro de Societo Zamenhof (ekde 1977), delegito dum dek jaroj. Ekde 1983 partoprenis plurajn Universalajn Kongresojn de Esperanto kaj ankaŭ multajn lokajn Esperanto-renkontiĝojn.
Robert Swenson naskiĝis la 30-an de oktobro 1937. Li studis kemion kaj laboris kiel kemia inĝeniero. En 1963 li lernis Esperanton kaj samjare fariĝis membro de la Esperanto-Ligo por Norda Ameriko (ELNA), kiu estis antaŭulo de la nuna usona Esperanta landa asocio – Esperanto-USA, poste partoprenis ĝian direktoran konsilion. Membro de la Esperanto-societo de Viskonsino en Milvokio. Li ofte organizis Esperanto-kunvenojn en sia hejmo kaj gvidis neformalajn Esperanto-kursojn.
Detalan artikolon pri Robert Swenson vi povas legi rete en la paĝaro de Bulteno de Esperanto-USA Usona Esperantisto: https://mallonge.net/1ao. La artikolo estas anglalingva, sed vi povas uzi aŭtomatan tradukilon, kiel ekzemple Google-translate laŭbezone.
Estis publikigita en la aprila numero 2024
