Jacques Le Puil (28.04.1940 – 05.01.2026)

Jacques Le Puil, konata franca espe­rantisto, forpasis la 5-an de januaro 2026.
Li naskiĝis la 28-an de aprilo 1940 kaj esperantistiĝis en 1958, kiam li estis 18-jara.
Kiel konata Es­peranta artisto, muzikisto kaj kantis­to li faris koncertojn dum multaj Es­peranto-aranĝoj. Jacques Le Puil kreis en Esperanto muzikajn albumojn “Dan­ĝera ul’” (1977), “Revenas mi” (1984), “De Pont-Aven al Varsovi’” (1985), “Ne donu tro” (1994). “Mi estas” (2004), “Sen elizi’” (2014).
Li estis konata ankaŭ, kiel redak­toro de la humura satira gazeto La Kan­cerkliniko (kiun li kunfondis en 1976) kaj kiel ĉefredaktanto de la vortaro Grand Dictionnaire Français-Espéranto (1992). Krome li estis aŭtoro de kelkaj gravaj tradukoj.
En 2007 li ricevis OSIEK-premion.
Membro de UEA de 1981. Partoprenis plurajn Universalajn Kongresojn. Estis fakdelegito pri Kanzonoj. En 2015 Jacques Le Puil ricevis Diplomon de UEA pro Elstara Arta Agado.